Sassa-betalings op pad, maar…

Bathabile Dlamini. Foto: Flickr/GovernmentZA

Die departement van maatskaplike ontwikkeling en die Suid-Afrikaanse agentskap vir maatskaplike sekerheid (Sassa) het Sondag gesê hulle is gereed om in April maatskaplike toelaes aan nagenoeg 17 miljoen begunstigdes uit te betaal.

“Bathabile Dlamini [die minister van maatskaplike ontwikkeling] wil alle kwalifiserende begunstigdes gerusstel dat hulle van 1 April hul toelaes soos gewoonlik sal ontvang,” het die departement in ʼn verklaring gesê.

“Soos begunstigdes weet, word betalings deur middel van verskeie kanale gemaak, waaronder handelaars, verkoopspunte, banke, kitsbanke en Sassa-betaalpunte. Volgens normale prosedures sal Sassa-betaalpunte egter nie op 1 April oop wees nie, omdat dit op ʼn naweek val. Sassa-betaalpunte sal op Maandag, 3 April, normale bedrywighede voortsit.”

Die departement het gesê bestuurders sal ontplooi word om begunstigdes met navrae by te staan en spesiale voorsiening sal landwyd gemaak word by die besigste betaalpunte en banke.

Mense met navrae kan die Sassa-inbelsentrum op 0800 60 10 11 bel.

Die konstitusionele hof het op 17 Maart beslis Cash Paymaster Services (CPS) se kontrak met Sassa moet vir nog 12 maande verleng word, om te verhoed dat die betaling van maatskaplike toelaes onderbreek word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

19 Kommentare

jongste oudste gewildste
Buitestander

Is nuwe reëlings besig om vorm aan te neem óf word daar weer gewag tot middernag om reëlings in plek te kry ?

Anna

Ek weet nog steeds nie hkm betaal sassa nie ons geld direk in ons bank in nie, ons moes spesiaal n bank rekening gaan oop maak, hoekom?

w

tu begunstigdes se toelae in hul bankrekeninge inbetaal was het als perfek gewerk ma nee toe wil die govt aan dit karring om wee mense te bevoordeel. Hu pateties

Sonica

Nou moet al daai mense 3dae la ger wag om KOS TE KOOP HOEKOM ????

Sonica

Hoekom moet hulle 3dae langer WAG OM KOS TE KOOP OP DIE 1STE VAN ELKE MAAND IS ALREEDS TE LANK EK KAN NIE SIEN HOEKOM NIE HULLE JAN HUL KOS BETYDS AANKOOP MAAR DIE SASSA PENSIOENTREKKERS MOET MAAR ALTYD DIE KORTSTE END TREK