SAUK-joernaliste in Noordwes beroof

SABC-gebou in Kaapstad Foto: Maroela Media

Die bestuur van die SAUK het Donderdag ʼn aanval op sy verslaggewers veroordeel.

ʼn Span van die SAUK is in Klerksdorp van hul mobiele uitsaaitoerusting en persoonlike besittings beroof toe hulle betogings in die gebied gedek het.

“Die SAUK bedank die Suid-Afrikaanse Polisiediens in Noordwes en ʼn plaaslike gemeenskapsradiostasie, Star FM, dat hulle so vinnig reageer het om die toerusting weer op te spoor,” het Kaizer Kganyago, woordvoerder van die SAUK, gesê. “Die toestand van die toerusting is nog nie bekend nie, omdat dit nog nie getoets is nie.”

Kganyago het benadruk dat dié oortreding die proses, om nuus aan die publiek te lewer, belemmer. “Die toerusting is baie belangrik, omdat dit die SAUK help om sy mandaat doeltreffend uit te voer.”

Brig. Sabata Mokgwabone, woordvoerder van die polisie, het gesê die SAUK se toerusting, ter waarde van R300 000, is in ‘n huis in Extension 20 opgespoor ná ‘n wenk aan die polisie gegee is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.

3 Kommentare

jaco ·

Sal cash converters mens iets gee vir sulke toerusting en is daar ‘n mark daarvoor onder die gewone publiek?

Elsabe ·

Hoekom nog die betogings erkenning gee. Bly net weg. Hoe meer hulle kameras en media dekking sien hoe meer word vernietig. Die polisie moet maar net sterker staan en die betogings stop voordat dit begin……. Ek dagdroom seker maar n bietjie.

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.