SAUK kry reddingsboei

Argieffoto

Die SAUK gaan noodfinansiering van die nasionale tesourie kry, het die minister van kommunikasie aangekondig.

Minister Stella Ndabeni-Abrahams het die aankondiging gemaak nadat die openbare uitsaaier se bestuurspan Dinsdagoggend terugvoer gegee het aan die parlementêre portefeuljekomitee oor kommunikasie.

Madoda Mxakwe, uitvoerende hoof van die SAUK, het gesê die SAUK kan teen 31 Maart tegnies insolvent wees met ʼn verlies van R568 miljoen vir die finansiële jaar.

Volgens Ndabeni-Abrahams sal die reddingsboei binne die volgende twee weke toegestaan word. Sy het gesê dit is in dié stadium nog nie duidelik hoeveel geld vir die SAUK gegee sal word nie, maar dat dit nie die R6,8 miljard sal wees wat die openbare uitsaaier gevra het nie.

Mxakwe het gesê die openbare uitsaaier ly weens “die totale verontagsaming van prosesse” onder die vorige bestuur.

Die gevolg van die finansiële krisis by die SAUK is dat inhoudsverskaffers weier om met die openbare uitsaaier in gesprek te tree aangesien hulle nie betaal word nie. Die SAUK het ook nie geld om die regte te koop om sportbyeenkomste uit te saai nie.

Die openbare uitsaaier kan ook nie roetine instandhouding by van sy geboue doen nie, wat gesondheid- en veiligheidsrisiko’s inhou. Volgens berigte kan die SAUK ook nie waarborg dat werknemers aan die einde van die maand betaal gaan word nie.

Yolande van Biljon, die SAUK se finansiële hoof, het gesê die openbare uitsaaier bestuur sy finansies op ʼn dag-tot-dag basis, maar dat hy die betaling van salarisse as prioriteit sien. Die SAUK se salarisrekening beloop sowat R240 miljoen per maand.

Van Biljoen het gesê indien die geld van die tesourie teen die einde van die maand betaal is, sal die openbare uitsaaier salarisse kan betaal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
Judge Dredd

…….en SA sink ‘n bietjie verder.

Andre

Net geld in die water, wat die ANC gaan gbruik op hulself.
Mens kan nie glo wat aan gaan in die land nie, en niemand doen niks nie.

pinkie

Die SAUK moet die ANC “promote” voor die verkiesing. Na die verkiesing kan die SAUK maar dan sink…

Paul

En daar word ons hard verdiende pennetjies weereens verder gemors!

Marinda

What have they been doing with the money? Just paying salaries by the looks of it.
What are they going to do in April, May, June…………….??????????