SAUK pos bedryfshoof

Chris Maroleng. Foto: ANA.

Die SAUK het Chris Moraleng, bedryfshoof van die openbare uitsaaier, met onmiddellike inwerkingtreding afgedank.

Die SAUK se raad het in ʼn verklaring gesê hy het Dinsdag vergader en daar is na afloop van ʼn dissiplinêre proses en met inagneming van die bevindinge en aanbevelings daarvan besluit om Maroleng se kontrak onmiddellik te beëindig.

Volgens berigte is Maroleng na afloop van die dissiplinêre proses op drie aanklagte skuldig bevind, insluitend growwe nalatigheid.

Maroleng het intussen Dinsdag na sy skorsing aan EWN gesê hy gaan teen die bevindinge van die dissiplinêre komitee sowel as die raad se besluit om hom af te dank, appelleer.

Maroleng was vanaf 1 Februarie verlede jaar bedryfshoof van die SAUK. Hy het die omstrede Hlaudi Motsoeneng opgevolg.

Maroleng was voorheen eNCA se Afrika-redakteur, ʼn uitvoerende beampte vir korporatiewe aangeleenthede by MTN en ʼn navorser by die instituut vir sekuriteitstudies. Hy het ʼn BA Honneurs- asook ʼn MBA-graad aan die Universiteit van Kaapstad verwerf.

Sy aanstelling is destyds gefinaliseer volgens die bevel van die hooggeregshof oor die aanstelling van uitvoerende hoofde by die openbare uitsaaier.

Die interimhofbevel wat in Oktober 2017 uitgereik is, het die magte van die kommunikasieminister beperk om uitvoerende hoofde by die SAUK aan te stel, om sodoende die onafhanklikheid van die raad te beskerm.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
fred

ja nog één wat gaan appeleer en ondertussen gaan hy seker nog vir jare n volle salaris kry….wonder wie sy hofsake gaan betaal?
Op welke merriete word hulle op die eerste plek aangestel?
Seker nog één van die elite kaders……?

Dries du Toit

Mag ons nie weet waaroor os hy afgedamk nie. Growwe nalatigheid ?? Vergeet om sy kantoor se venster toe te maak ??

Thinus

Net nog ‘n mislukte staats instansie a.g.v. regstellende aksie en BEE kader ontplooiing. Die ANC leer net nie uit hulle foute nie en weet nie dat hulle niks weet nie. Daarom weier ek om hierdie sirkus te ondersteun d.m.v. ‘n tv lisensie. Privatiseer die gemors, dan sal daar vooruitgang wees.

Boerin

My mening ook…nog miljoene wat agter hom aangegooi gaan word,voor hulle ontslae sal wees van hom!

George in Bloem

Gaap…..die bankrot SAUK,dansy die wonderlike ANC,vervang een ANC gatgabba met ‘n ander? Hoe fantasties……gaap…en die belastingetaler staan pa vir die rekenings. Net nog ‘n dag in hierdie onbevoegde korrupte derdewereldse land.Viva.