LP’s het Dinsdag gehoor dat regstappe gedoen sal word om seker te maak dat die voormalige uitvoerende lede van die SAUK, Hlaudi Motsoeneng en James Aguma, se pensioenuitbetalings weerhou word.
Khanyisile Kweyama, voorsitter van die tussentydse raad, het aan die parlementêre portefeuljekomitee oor kommunikasie gesê hulle hoop om die hoë koste van beleidsveranderinge soos die 90/10-beleid, wat plaaslike inhoud bó internasionale inhoud op radio en televisie aanbeveel het, te verhaal van die twee voormalige uitvoerende beamptes.
“Die proses het begin om die pensioenuitbetalings te weerhou en reëlings word getref om regstappe te doen indien nodig,” het sy gesê. “Ons wil nie drie of ses maande later uitvind daar is ʼn verpligting nie.”
Die ongeouditeerde koste van die beleid vir plaaslike inhoud word beraam op R183 miljoen vir televisie en R29 miljoen vir radio. “Dit is die verliese in advertensie-inkomste,” het Kweyama verduidelik.
Motsoeneng is in Junie afgedank nadat ʼn dissiplinêre verhoor hom skuldig bevind het aan wangedrag.
Aguma het in Julie bedank voor ʼn dissiplinêre verhoor teen hom kon begin.
Hlaudi moet die belastingbetaler se geld terugbetaal finish en klaar.
Hy gaan nie genoeg pension he nie of het hy hom goed gehelp
Die belastingbetalers se geld is lankal uitgemors. Ek wil waag om te sê dat minder as 5% herwinbaar is.
ek weier om televisie lisensie te betaal.