SAUK se Hlaudi gee raad vir matrieks

Hlaudi Motsoeneng Foto: news.iafrica.com

Hlaudi Motsoeneng Foto: news.iafrica.com

Hlaudi Motsoeneng, bedryfshoof van die SAUK, wat volgens die Openbare Beskermer oneerlik was oor sy kwalifikasies, het gesê ʼn persoon kan baie kwalifikasies hê, maar sonder ʼn brein help dit nie, het The Citizen berig.

“Mense kry twee tipes mense in die wêreld. Jy het gesertifiseerde mense en geleerde mense. Jy kan baie grade hê maar jy het ook ʼn brein nodig,” het Motsoeneng aan die koerant gesê. Dit volg nadat Motsoeneng glo Maandag tydens die aankondiging van die matriekuitslae gesê het: “Want as jy papier het, maar jy het nie ʼn brein nie, kan jy vergeet [sic].”

Volgens Motsoeneng het hy probeer verduidelik dat ʼn kwalifikasie nie genoeg is nie. “Jy kan al die kwalifikasies hê, maar as jy byvoorbeeld nie die mas kan opkom in die ateljee nie, hoe kan jy werk? Ek het myself gekwalifiseer. Mense kan skryf en dink wat hulle wil. Ek weet nie wat is die relevansie van matriek as ek ʼn moderne senior sertifikaat het, wat hoër is as ʼn matrieksertifikaat nie.”

Thuli Madonsela, Openbare Beskermer, het verlede jaar bevind dat Motsoeneng oneerlik was oor sy matriekkwalifikasie. Hy was destyds waarnemende bedryfshoof en is in Julie permanent aangestel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

13 Kommentare

Elizabeth ·

Net so Koos! Die man is vol grappies vroeg in die jaar. Hoe kry mens kwalifikasies ANDERS as met ‘n brein?

AvraD ·

Wat is boehaai oor die matrieks in elk geval? Ek verstaan dit nie. Miskien het ek (met 3 grade agter my naam) nie ‘n brein nie………………….

Sollie ·

AvraD met drie grade behoort jy dan te weet dis BOHAAI nie boehaai nie. En hoekom wil jy nou snaaks wees omdat kidners trots is oor hul uitslae? Nee man …

Drieks ·

Sollie, die Motsoeneng is hoof van die Sauk met net matriek agter sy naam. Klink dit nie verskriklik nie.

Riaan Slabbert ·

Sollie, wat is “kidners”? Lol. Grap net. Weet dit was net n tikfoutjie ;-)

Sollie ·

Riaan – ja oeeee… die vingers en brein werk nie alte goed saam maar ek is seker jy kry my punt! Verstaan nou nie die persoon met 3 grade se snedigheid oor die matrieks se mooi uitslae nie. Plaas hy/sy hou by kommentaar oor ons ou slimme van die uitsaaiwese se geniale opmerking!

Annatjie Kruger ·

Ek sou dink dat sonder ‘n brein gaan dit moeilik wees om in die eerste plek ‘n matrieksertifikaat te kry.

Slimkop ·

Ditto Annatjie, om die waarheid te se, ek kan aan geen lewende mens dink wat nie oor ‘n brein beskik nie (behalwe Zuma, maar die is elk geval gevrek). Die snert wat uit hierdie krimineel van die SAUK se mond kom laat geen twyfel dat hy nie net oor geen seggende kwalifikasie beskik nie, maar ook omtrent slegs 0.001% van sy brein kapasiteit benut…

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.