Patrick Mgoqi was n tegnikus by SAUK [Foto: Patrick Mgoqi, Facebook]
Volgens ao. Joseph Swartbooi, polisiewoordvoerder, is Patrick Mgoqi (47) omstreeks 20:40 geskiet toe hy na bewering ʼn jong vrou teen ʼn aanvaller probeer beskerm het.
“Mgoqi se gesin het hom na ʼn nabygeleë hospitaal geneem en hy is by sy aankoms daar dood verklaar,” bevestig Swartbooi.
Vriende en kollegas het ook hul medelye op Facebook betuig [Foto: SABC Western Cape, Facebook]
Die SAUK in die Wes-Kaap het op sy Facebook-blad Mgoqi as ʼn liefdevolle en empatiese kollega beskryf wat toegewyd was aan sy werk, familie en vriende.
“Sy dood is ʼn groot verlies. Sy vrolike karakter, speelse geaardheid en werksetiek sal altyd onthou word,” lui die inskrywing op Facebook.
Volgens die inskrywing laat Mgoqi sy ma, vrou en drie kinders agter, insluitend dié van sy suster wat hy versorg het.
Vriende en kollegas het ook hul medelye op Facebook betuig.
“Patrick het nooit ophou glimlag nie; nie eers in die slegte tye nie. Hy was altyd so vriendelik. Hy was vaardig in sy werk en altyd ʼn lig in die gange van die SAUK,” skryf Nadia Saffron.
Dis vreeslike hartseer nuus. Nou moet sy familie maar net die mas opkom omdat een of ander simpel skelm hom geskiet het. Ek hoop die polisie spoor die skieter op. My innige simpatie aan sy familie.
Wreed.
Laat mens terugdink aan die hele Suna Venter tragedie. Innige simpatie aan sy familie en kollegas.
Ai, SA, hoe lank gaan jy nog skop teen die prikkels. God roep na jou en jy dink dis beter sonder Hom. God het ‘n wonderlike plan vir jou. Keer terug na Hom en jou paaie sal weer voorspoedig wees.
Ons mense
Sy laaste daad het hy as held opgetree. Jammer vir sy familie en sterkte aan hulle.