SAUK 8-joernalis Suna Venter oorlede

[OPVOLG] Lees die opvolgberig hier.

Suna Venter. Foto: Facebook

Suna Venter, een van die sogenaamde SAUK 8-joernaliste, is oorlede.

Foeta Krige, Venter se kollega, het haar dood aan Maroela Media bevestig. Venter (32) se liggaam is Donderdagoggend in haar woonstel in Fairland gekry. ’n Harttoestand genaamd stres-kardiomiopatie is onlangs by haar gediagnoseer.

Venter was een van agt joernaliste van die SAUK wat in Julie verlede jaar deur die SAUK afgedank is omdat hulle volgens die uitsaaier “voortgaan om die SAUK-bestuur se gesag te ondermyn” en hul “wangedrag onhoudbaar” geword het. Nadat die joernaliste hulle na die arbeidshof gewend het, is sewe van hulle weer in hul poste aangestel.

In Januarie het Venter aan Maroela Media vertel dat sy buite ʼn winkel in Linden, Johannesburg, met ʼn windbuks in die gesig geskiet is. Sy het destyds vertel sy het nie onmiddellik besef sy is geskiet nie, maar het dit later besef nadat sy dokter toe is. Twee koeëls is daarna tydens ʼn operasie verwyder. Sy het ook hierna die saak by die polisie aangemeld.

Hou Maroela Media dop vir meer inligting.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

42 Kommentare

jongste oudste gewildste
afrikaans

Dis baie hartseer, mens raak so lief vir mense wat jy nog nooit ontmoet het nie. My hart is baie, baie seer.

Kaspaas

Al wat ek kan en wil se dis baie sad. N groot verlies vir afrikaanse joernalistiek.

Ander Annie

Dit is tragies. Innige simpatie aan haar familie. So ‘n mooi mens. SABC moet aangevat word.

Pierre de Villiers

Bekende het ons verlaat. Nog so jonk.

Elsabe

Ai dit is slegte nuus. Ek onthou haar nog as die klein rooikopdogtertjie van Fairland laerskool.