Seekoei byt drie naby grenspos dood

Argieffoto.

Argieffoto.

ʼn Seekoei het Woensdagaand ʼn groep beweerde onwettige immigrante, wat die land deur die Limpoporivier naby Beitbrug wou binnekom, aangeval en drie mense doodgebyt.

Kol. Ronel Otto, provinsiale polisiewoordvoerder, het aan Maroela Media gesê die ongedokumenteerde buitelanders se liggame is Donderdagoggend aangetref. “ʼn Kind wat deel van die groep was, is ook aangeval, maar het oorleef.”

Die beseerde kind het om hulp geskreeu en verbygangers het op die kind afgekom. “Die verbygangers het die polisie ontbied en die liggame van twee volwasse mans en ʼn kind, vermoedelik tussen 7 en 9 jaar oud, is gevind.”

Die polisie het paramedici van ER24 ontbied.  Volgens Pieter Rossouw, woordvoerder van ER24, is die drie mense is op die toneel dood verklaar. “Die beseerde kind is in ʼn kritieke toestand na die Musina-hospitaal geneem vir behandeling,” het Rossouw gesê.

Otto het gesê die identiteit van die oorledenes is nog nie bekend nie. Die polisie doen ʼn geregtelike doodsondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

31 Kommentare

jongste oudste gewildste
Paul

Die ANC is te sleg om hulle werk te doen, nou doen die natuur dit maar. Well done

Elbie

Border security…. ;-)

Craig

Give that hippo a bells or make him border patrol.

Henning

Wie is die verbygangers ook “ongedokumenteerde”persone ?indien wel wat het van hulle geword nadat hulle polisie geroep het?

Perdebek

Vergeet van honde kry vir jou a seekoei baie beter wag hond