Die Wes-Kaapse polisie se eenheid vir openbare orde hou die situasie tussen seisoenwerkers in Robertson dop nadat twee groepe werkers vandeesweek slaags geraak het.
Verskeie werkers is beseer toe ’n groep van Lesotho en ’n groep van Zimbabwe mekaar vroeg Donderdag in die Nkqubela-nedersetting gepak het. Niemand is egter tydens die botsing dood soos daar in sosialemediaplasings beweer word nie.
Die botsing tussen die twee groepe spruit glo uit ’n voorval waartydens die een groep sogenaamd besit van ’n eiendom oorgeneem het, sê brig. Novela Potelwa, polisiewoordvoerder. Die polisie het egter ingegryp en die verdagtes het gevlug.
Volgens Potelwa is sosialemediaberigte dat seisoenwerkers tydens botsings in Robertson dood is en kinders “gekap” is, loutere onsin.
“Die berigte word weerlê as fopnuus wat daarop gemik is om onnodige paniek te veroorsaak.”
Dit blyk egter dat daar wel paniekerigheid onder inwoners heers met sommige wat Donderdagaand voor die plaaslike polisiestasie gaan skuil het uit vrees vir nog aanvalle.
Die polisie ondersoek tans ’n saak van openbare geweld terwyl die polisie, munisipaliteit, departement van arbeid en plaaslike landbougemeenskap ’n bemiddelingsrol tussen die twee groepe probeer speel.
The audacity, the sheer disrespect, illegal Lesotho Nationals & Zimbabweans are fighting over jobs in Robertson/Langeberg & Ashton areas. The fight is bloody. pic.twitter.com/s0bxKHP0WY
— Gayton McKenzie (@GaytonMcK) March 18, 2022
Kan die EFF nie kom bemiddel nie?