’n Sekerheidswag is Dinsdag doodgeskiet toe vier gewapende mans ʼn sakeonderneming in Mayville in Durban beroof het.
Kol. Thembeka Mbele, polisiewoordvoerder, sê die wag is in die kop geskiet en op die toneel dood verklaar. Hy was vermoedelik 35 jaar oud.
Paramedici van Emer-G-Med het bevestig dat ʼn tweede wag met skietwonde na ʼn hospitaal gehaas is, terwyl ʼn werknemer in die hand gewond is.
Volgens Mbele het die verdagtes werknemers gyselaar gehou en die twee wagte van hul haelgewere beroof.
“Die verdagtes het in hul wegkommotor van die toneel gevlug en niemand is nog in verband met die voorval aangekeer nie.”
Hierdie rooftogte, so maklik?