Timothy Omotoso tydens ‘n vorige hofverskyning. Foto: ANA.
Pastoor Timothy Omotoso, die omstrede televangelis wat van verkragting en mensehandel beskuldig word, se aansoek om verlof tot appèl teen die vroeëre afkeur van sy borgtogaansoek is Woensdag in die hooggeregshof in Port Elizabeth van die hand gewys.
Dit volg nadat sy derde aansoek om borgtog verlede week afgekeur is.
Anelisa Ngcakani, provinsiale woordvoerder van die Nasionale Vervolgingsgesag (NVG), het gesê regter Phillip Zilwa het bevind daar is geen gronde om die aansoek toe te staan nie.
Omotoso, oorspronklik van Nigerië, is sedert sy inhegtenisneming op die Port Elizabeth- internasionale lughawe in April 2017 agter tralies. Hy is destyds saam met twee vroue in hegtenis geneem wat glo meisies en vroue gelok het sodat Omotoso hulle kan uitbuit.
Omotoso en die twee vroue staan tereg op tientalle aanklagte. Die twee vroue is wel op borgtog vrygelaat.
Volgens Ngcakani het Omotoso verlede week weer aansoek om borgtog gedoen omdat daar volgens hom nuwe feite rakende die saak aan die lig gekom het. Zilwa het egter beslis daar is geen sulke nuwe feite nie. Die verdediging kon Zilwa ook nie oortuig dat Omotoso nie ’n vlugrisiko is nie.
Omotoso is ’n onwettige immigrant en sou hy op borgtog vrygelaat word, sal hy gedeporteer moet word.
Ag nee wat laat hy sit! Wat van NEE verstaan die ou nie? Moet ons prentjies teken vir hom mmmmmm genade man. Werk hy by die sirkus ook met daai pakkie aan?
Deporteer hom tronk toe
Die saak gaan noual so lank aan dat die pastoor vir burgerskap kan aansoek doen.Sy kerk moet diep sakke hê om soveel op regskoste te kan spandeer.Nie dat sy regspan kla nie…..
As hy aan ‘n regte Bybel vat slaan dit aan die brand .
Opskrif moet lees ” Peofiell wat hom voirgedoen het as Pastoor: want die spesie is nie ‘n Pastoor nie.