‘Sekspastoor’ in hof vir aansoek om borgtog

Pastoor Timothy Omotoso in die hooggeregshof in Port Elizabeth (Foto: Raahil Sain/African News Agency/ANA)

ʼn Omstrede televangelis wat van verkragting en mensehandel beskuldig word, het Donderdag in die hooggeregshof in Port Elizabeth verskyn vir sy aansoek om borgtog.

Pastoor Timothy Omotoso, oorspronklik van Nigerië, is al sedert sy inhegtenisneming by die Port Elizabeth- internasionale lughawe in April 2017 agter tralies. Hy is saam met twee vroue in hegtenis geneem wat glo meisies en vroue gelok het sodat Omotoso hulle kan uitbuit.

Omotoso het al talle kere tevergeefs aansoek gedoen om borgtog.

Sy regspan maan nou die hof om die saak te heroorweeg. Die hofsaak begin Maandag.

Terry Price, vir Omotoso, sal ook ʼn aansoek bring om te bepaal hoekom daar soveel vertragings was in die saak. Die verdediging maan die hof om getuienis en bewyse, wat deur die twee staatsgetuies gebring is, te verwerp. Die vroue het getuig oor seksuele mishandeling wat hulle oor ʼn lang periode moes deurgaan terwyl hulle lede was van Omotoso se gemeente.

Die voorsittende regter het in die hof gesê die hofsaak, wat aanvanklik vandeesweek sou plaasvind, is uitgestel weens Omotoso se aansoek. “Ek moet hierdie aansoek oorweeg en daarom moes die hoofsaak tot Maandag uitgestel word. Nou sê julle dat die getuie, wat moontlik sou help dat ons die aansoek hierdie week sou kon afhandel, nie hier is nie en dat sy eers Maandag beskikbaar sal wees? Dit beteken ons sal onmoontlik nie die aansoek hierdie week nog kan afhandel nie,” het die regter aan Price gesê.

Price voer aan hy het eers ter elfderure uitgevind sy getuie is nie voor Maandag beskikbaar nie. Hy maan die hof om Dinsdag die hoofsaak te laat begin, omdat dit nie verband hou met die aansoek om borgtog nie. Hy het ook die vinger na die staatsaanklaers gewys en gewaarsku as hulle nie gereed is om Dinsdag met die saak te begin nie, is dit duidelik dat die staat “speletjies speel”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

12 Kommentare

Persheks Adri ·

Laat hulle sit! Nou ewe skielik speel die staat shame ons weet dit hoor. Julle is stadig en agter die tyd

gatgogga ·

Is hierdie saak nou nog nie afgehandel nie? Ongelooflik.

Yvonne ·

As die pastoor skuldig is verdien hy om gestraf te word…..onder die vaandel van pastoor doen hy meer skade as goed

Androclus ·

Hy is nie’n pastoor nie-van Nigerië kan jy maar weet die mensehandel.

Plaaskind ·

Kyk net hoe lekker staan en smile hy nog in die hof en oor sy dade.

Lindi ·

Hierdie is die klug-spul van die eeu (Z natuurlik uitgesluit) Tot die hof verslaggewers is moedeloos met die storie. Vertragingstaktiek soos min mense hulle kan nadoen (voordeel is, hy sit darem nog in die tronk)

Jakes ·

Klink vir my eerder na iemand wat sy slagoffers so pas getoor het.

Cheryl ·

SA moet sy regstelsel verander. Skuldig tot onskuld bewys kan word. Nie andersom nie.

Erika ·

Sogenaamde ” Man van GOD” wat sy Posisie gebruik om ander te misbruik…Dit is so tipies( The Bottom line is unhealthy Tree will Not carry Healthy fruit,,-..).,Die “Pastoor ” moet maar sy bed opmaak waarin hy geslaap het,,.. en gevolge dra..

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.