Seksskandaal by skool: Nóg seuns geraak

Bishops Diocesan College in Rondebosch.

Die hoof van Bishops Diocesan College in Kaapstad het erken dat verskeie seuns oor ʼn aantal jare geraak is deur beweerde seksuele misdrywe van ʼn gewese onderwyseres aan die skool.

Guy Pearson sê in ʼn verklaring dat die ondersoek na ernstige seksuele misdrywe deur Fiona Viotti, gewese geskiedenisonderwyseres en polo-afrigter aan die skool, nog voortduur. Viotti het bedank kort nadat dit aan die lig gekom het dat sy ʼn verhouding met ʼn 18-jarige leerder aan die skool gehad het.

“Dit wil voorkom of verskeie seuns oor ʼn aantal jare hierdeur geraak is,” sê Pearson in die verklaring. “Daar is ʼn oproep aan seuns en ouers gedoen om vorendag te kom met enige inligting wat hulle in verband met die saak het.” Hy het ook bevestig dat Viotti bedank en reeds die skool verlaat het.

Dave Mallet, Viotti se pa en geskiedenisonderwyser aan die skool, het gister in ʼn brief aan ouers gesê hy ondersteun sy dogter in hierdie moeilike tyd. Viotti is verlede jaar getroud.

“Ons doen alles moontlik om die sielkundige welstand van ons seuns, werknemers en ander wat deur hierdie hartseer saak geraak word, te verseker,” sê Pearson. Met dié doel in gedagte het die skool die dienste van verskeie sielkundiges ingeroep, onder wie ʼn sielkundige in diens van die Bishops-sporteenheid. “Eksterne kliniese sielkundiges en psigiaters is ook beskikbaar aan enige seun of familielid wat deur die gebeure geraak word,” sê Pearson.

Naakfoto’s wat Viotti na bewering aan sekere seuns gestuur het, doen sedert die naweek die ronde op sosiale media. Volgens Pearson is dit steeds nie duidelik wie dié foto’s versprei nie.

“Ons vra weer dat die waardigheid en privaatheid van die individue wat deur hierdie saak geraak is, gerespekteer word terwyl ons die volle omvang van die situasie ondersoek,” sê Pearson.

Die polisie ondersoek nie tans ‘n kriminele klag teen Viotti nie.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

78 Kommentare

jongste oudste gewildste
Siener

Wil julle vir my sê daar is nog jong mans wat die jackpot geslaan het? Wys hulle gesigte dat ons die Lotto wenners kan sien.

Kolle

Die skool moes wragtag ook van beter geweet het as om ‘n baie mooi juffrou watersport te laat afrig tussen ‘n bondel hormone met rééds warm bloed.

charmaine

In vandag se lewe het die seuns dalk die juffrou n paar dinge gewys. 18 Jarige seuns is regtig nie meer so onskuldig nie, danksy tegnologie. So die saak het beslis 2 kante en n bo en onderkant en die seuns moes die aandag geniet het. En die 18 jarige mans want dis wat hulle is, het verskeker al bestuurlisensies hang by kuier plekke en vat n dop of twee en het dalk al meer as een “sleeping partner” gehad…so hoekom is hulle nou kinders net omdat hulle nog skoolgaan? En jonger mans hou van ouer dames! En dan moet… Lees meer »

Jan

‘n Jaar gelede getroud? Dit klink nie vir my asof sy troumateriaal is nie, moontlik na terapie, iets is nie lekker nie. Ek glo aan tweede kanse gee.

Rika

Ai, dis hartseer. Baie sterkte aan elke kind hierby betrokke. Dis nie ‘n maklike pad om te stap as jou kind geraak word deur seksmisdrywe nie. Ondersoeke sloer, hofsake sloer, en die beste wat ‘n oortreder kry is 15jr. Jare daarna sukkel jy steeds om jou kind op te bou, om van hom / haar weer ‘n volwaardige mens te maak. Ek kan net hoop dat die kinders ‘n sterk ondersteuningsnetwerk gaan he.