Seksvoorligting: Departement probeer ‘aandag aflei van grafiese inhoud’

Van die beplande inhoud vir seksvoorligting in skole. (Foto: skermgreep)

Die organisasie Freedom of Religion SA (FOR SA) het teruggekap ná die departement van onderwys vandeesweek die “opsetlike wanvoorstelling” van feite rakende sommige aspekte van die inhoud in die vak lewensoriëntering met minagting verwerp het.

Maroela Media het vroeër berig dat die departement se nuwe omvattende kurrikulum vir seksuele onderrig glo behels dat leerders hul geslagsdele in die klas identifiseer, kommentaar lewer op naakfoto’s wat gebruik is in seksklets-boodskappe (sex texting) en leer wat behels vaginale, orale en anale seks.

Die inhoud is onlangs aan lede van die parlement beskikbaar gestel en op die groep FOR SA se webwerf geplaas.

Dit het ʼn herrie laat losbars.

Die departement het op elk van FOR SA se bewerings gereageer, maar die organisasie sê die departement probeer FOR SA en ander nou die sondebokke maak vir sy eie nalatigheid.

“Sodoende probeer hulle ook die aandag aflei van die grafiese visuele en beskrywende inhoud van die kurrikulum,” het Michael Swain, uitvoerende hoof van FOR SA, gesê.

Swain sê die organisasie bly bekommerd omdat nóg onderwysers nóg ouers behoorlik geraadpleeg is. Hy sê ouers moet die lesmateriaal te siene kry voordat dit aangebied word en moet ook die reg hê om te besluit wat is – en wat is nié – gepas wanneer hul kinders oor seks en seksualiteit onderrig word.

Hy sê ouers moet ook toegelaat word om hul kinders aan die klas te onttrek sonder enige straf daarvoor.

Die organisasie sê onlangse studies wys die leermateriaal gaan die teenoorgestelde gevolge inhou van dít wat die departement beloof. Dié studies lewer bewyse van vroeëre seksuele aktiwiteit, meer seksmaats, minder kondoomgebruik, hoër vlakke van seksueel oordraagbare siektes en MIV, asook selfs ʼn toename in seksuele geweld weens blootstelling aan seksuele inhoud van ʼn soortgelyke aard.

Die departement het vandeesweek gesê hy verwerp die idee dat die seksvoorligting kinders seksualiseer en bestempel die aanhaling van enkele sinne uit die voorgeskrewe lesplanne as “moedswillig”.

FOR SA sê kinders is van nature ondersoekend en ʼn graad 8-les met ʼn beskrywing van vaginale, anale en orale seks hou die gevaar in dat kinders voortydig geseksualiseer gaan word.

Die beplande inhoud vir seksvoorligting in skole.

“FOR SA het dit nog nooit betwis dat daar ernstige bestaande maatskaplike probleme met tienerswangerskappe, MIV-besmetting en seksuele geweld is nie. Ons het al in die openbaar gesê die departement het grondige rede om seksonderrig in die lewensoriënteringsillabus in te sluit en het ook met die departement vergader om die kwessie te bespreek,” het Swain gesê.

“Die departement het erken dat ouers en onderwysers nie behoorlik tydens die kurrikulumontwikkelingsproses geraadpleeg is nie. Hy het ook gesê hy gaan ‘Afrika-oplossings vir Afrika-probleme’ ontwikkel.

“Die feit dat die Federasie van Beheerliggame van Suid-Afrikaanse Skole (Fedsas) en die Suid-Afrikaanse Onderwysersunie (SAOU) hewig kapsie maak teen die gebrek aan raadpleging en selfs vir ʼn boikot vra, is ʼn duidelike bewys dat daar nie behoorlik oorleg gepleeg is nie,” het Swain gesê.

Swain sê FOR SA se grootste beswaar is dat ouers se insette geïgnoreer word. Hy sê seksvoorligting is nie ʼn neutrale vak soos wiskunde nie, en dit is onmoontlik om aan te bied sonder om ʼn morele standpunt oor te dra.

Hy sê hoewel sommige ouers tevrede daarmee is om die besluit oor wat hul kinders oor seks en seksualiteit geleer word aan die staat oor te laat, wil talle ander ouers hul eie waardestelsel aan hul kinders oordra.

“Die departement blyk minagtend te wees jeens die gevestigde regte en geldige kommer van ouers wanneer hy sê dit ‘is ons beginsel om ouers te oriënteer wanneer nuwe lesplanne ingestel word’.

“Oriëntering is nie raadpleging nie,” het Swain gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

47 Kommentare

jongste oudste gewildste
Wicus

Daar sit jou 14 jarige dogter in dieselfde klas as ‘n 18 jarige man. So bly ek het nie kinders nie !

Johan

Met implementering sal my 12 jarige seun nie die klass bywoon nie. Ek sal die skool ook dienooreenkomstig inlig. Nie enige individu of skool of instelling hetsy staat of privaat sal my ouerlike plig en belofte aan God, met sy doop ongeag groot of klein in die niet maak nie. Basta!!

Boervrou

Vir my part kan hul die vak verwyder uit die skool.Gelukkig maak my kind klaar met skool die einde van die jaar.

Bekommerd

Het my kinders (12 en 15) vertel van die nuwe lesse. My 12 jaarige het gese hy sal eerder uit die klas loop voor hy daarna luister. My 15 jaarige vra hoekom moet n persoon wat nie n ouer is vir haar van die goed vertel, sy vra mos vir mamma of pappa as sy iets wil weet. Hulle voel ook baie ongelukkig omdat dit in gemengde (seuns en dogters) klasse gaan gebeur.

Uilspieel

Nou wil hulle hierdie twak vir ons kinders aanbied maar Godsdiens is verbode. Vir sommige swart mense is dit natuurlik en normaal dat jong meisies se borste kaal vertoon word, maar vir meeste blanke dogters is naaktheid van borste gladnie aanvaarbaar nie. Die kulture is te verskillend. Nooit ooit gaan dit mos werk nie. Indieer kinders maak tot hul bene, arms en koppe toe. Hoe gaan julle nou daar verby kom? Ag nee man. Skool is vir somme maak en om te leer lees. Hou tog daar by.