Semenya-uitspraak sal verreikende gevolge hê

Caster Semenya en haar regsverteenwoordiger Gregory Nott. Foto: (Laurent Gillieron/Keystone via AP)

Die internasionale hof vir sportarbitrasie (CAS) in Switserland het Maandag die saak begin aanhoor tussen Caster Semenya en die Internasionale Vereniging van Atletiekfederasies (IAAF).

Semenya, tesame met Atletiek Suid-Afrika (ASA), is slaags met die IAAF aangesien laasgenoemde nuwe regulasies wil bring waarvolgens atlete wat buitengewoon hoë natuurlike testosteroonvlakke het gedwing sal word om medikasie te gebruik om dié vlakke te verlaag.

Albei partye gee toe dat die uitspraak in die saak, wat eers einde Maart verwag word, verreikende gevolge kan inhou.

Semenya se regspan het die IAAF intussen gekritiseer nadat die liggaam ʼn lys van vyf kenners se name bekend gemaak het wat hy beplan om te roep ter getuienis in sy saak. Volgens Semenya se regspan skend dié aksie die gees van vertroulikheid van die verrigtinge “in ʼn poging om die openbare mening te beïnvloed”.

Semenya se regspan het intussen ook toestemming gekry om hul lys van kenners Dinsdag bekend te maak.

Die IAAF dring aan op die noodsaaklikheid van regverdigheid en sê atlete wat as vroue identifiseer, maar wat positief toets vir hormoonvlakke van mans moet minstens hul testosteroonvlakke verlaag tot op die vlak waarin vroue val ten einde teen vroue deel te neem.

Suid-Afrika se kommissie vir geslagsgelykheid het intussen sy steun aan Semenya toegesê. Volgens die kommissie is hy gekant teen die IAAF se nuwe regulasie aangesien dit nadelig en ʼn ernstige skending van die regte van vroueatlete sal wees.

Die kommissie het gesê hy is oortuig dat die onlangse wysiging van die regulasie ʼn ernstige skending van die reg op liggaamlike integriteit, menswaardigheid en privaatheid inhou vir atlete soos Semenya wie se liggame, sonder hul eie toedoen, hoë vlakke van testosteroon produseer.

“Ons doen ʼn beroep op die Suid-Afrikaanse regering as ʼn ondertekenaar van ʼn reeks internasionale protokolle en verklarings oor die regte van vroue om sy internasionale kantore en diplomatieke kanale te gebruik om druk op die IAAF te plaas om hierdie besluit te keer en Semenya en ander vroueatlete wat geraak word toe te laat om vrylik deel te neem sonder enige onetiese beperkings wat ʼn negatiewe impak op die reg tot liggaamlike integriteit het.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

53 Kommentare

jongste oudste gewildste
Verwoes

Skep n deelnemersklas op sy eie vir die gevalle of hoe?

Lukie Carelsen

Al wat ons vra is vir REGVERDIGE mededinging. Vroue teen vroue en mans teen mans. Hoe kan iemand wat bo normale manlike testorone het as ‘n vrou meeding teen ander vroue wat normale vlakke het?

LOL

Ek is onkundig op die gebied; kan toetse bewys of die addisionele testosteroon kunsmatig of natuurlik teenwoordig is ?

Judge Dredd

Skep aparte items vir vroue met buitengewoon hoe testosteroon vlakke – dan moet Caster maar alleen hardloop.

Clairi

Jarmila Kratochvílová , same whatsaap group as Caster, maar haar geslag was nog nooit bevraagteken nie.