Senekal: ‘EFF-grondmagte’ by volgende hofverskyning

Die skade wat tydens ‘n betoging buite die hof op Senekal aangerig is, is wyd veroordeel. (Foto: DA)

Julius Malema, leier van die EFF, het ʼn beroep op die party se sogenaamde grondmagte en “vredeliewende Suid-Afrikaners” gedoen om volgende week na die hof in Senekal in die Vrystaat op te ruk om die “demokrasie en eiendom te beskerm”.

Chaos het gister by die hof losgebars toe duisende mense na die landdroshof opgeruk het waar twee vermeende moordenaars, Sekwetje Mahlamba en Sekola Matlaletsa, in verband met die moord op die 21-jarige Brendin Horner verskyn het.

Horner se liggaam is Donderdag op ʼn plaas in die Paul Roux-omgewing gevind. Hy is wreed vermoor. Mahlamba en Matlaletsa is kort daarna in hegtenis geneem en het Dinsdag vlugtig op aanklag van moord verskyn.

Na afloop van die hofverrigtinge, waartydens lede van die publiek nie die beskuldigdes kon sien nie, het gemoedere hoog geloop en is ʼn polisiebakkie buite die hof onder meer omgekeer en aan die brand gesteek.

Malema het die polisie van lafhartigheid beskuldig toe hulle “met geweld en aggressie deur wit mense gekonfronteer is. In wat ʼn ooglopende teken van ʼn gebrek aan respek vir die marionetregering en sy gesag is, het wit mense skade aangerig, polisievoertuie buite ʼn hof omgekeer en aan die brand gesteek,” het die EFF uitgevaar.

Volgens die EFF het mense “die geweld gepleeg omdat hulle geweet het weens die kleur van hulle velle gaan daar nie teen hulle opgetree word nie”.

Die EFF sê in teenstelling hiermee is mynwerkers by Marikana soos “honde doodgeskiet” terwyl Fees Must Fall-betogers onder rubberkoeëls, traanrook en selfs koeëls deurgeloop het.

Ronald Lamola, die minister van justisie en korrektiewe dienste, het intussen ook gesê Dinsdag se optrede het geen plek in ʼn demokratiese en vrye land nie en dat die verwoesting van openbare eiendom onverskoonbaar en ʼn aanslag op die strafregstelsel is.

Brendin Horner (21) is wreed op ‘n plaas vermoor. (Foto: Twitter)

“Ons doen ʼn beroep op wetstoepassingseenhede om te verseker die oppergesag van die reg heers. ʼn Belangrike deel daarvan is om te verseker diegene verantwoordelik vir die ondermyning van die uitvoering van geregtigheid en die verwoesting van openbare eiendom ry aan die pen,” het hy gesê.

Die minister sê die reg om te betoog word in die Grondwet beskerm, maar geen reg is onbepaald nie en daarmee saam kom die verantwoordelik om wettig op te tree.

“As sulke aanvalle teen die verloop van geregtigheid toegelaat word om ongebreideld voort te gaan, loop ons samelewing die gevaar om in anargie te verval.

“Ongeag hoe sterk ʼn gemeenskap oor sekere kwessies voel, ons kan bloot nie mense toelaat om reg in eie hande te neem nie,” het Lamola gesê.

Die voorsitter van die parlementêre komitee oor landbou, grondhervorming en landelike ontwikkeling, Nkosi Zwelivelile Mandela, het ook ʼn beroep op die landbougemeenskap gedoen om toe te laat dat die reg sy loop neem.

“Ons doen ʼn beroep op die landbougemeenskap, boere, plaaswerkers en plaasbewoners om met staatsinstellings, die polisie, die strafregstelsel en staatsveiligheid saam te werk sodat ons gesamentlik op voorvalle van misdadigheid kan reageer,” het Mandela gesê.

Die komitee het ook sy medelye met Horner se familie en inwoners van die gebied betuig.

“Die komitee gaan vra vir ʼn spesiale taakspan wat bestaan uit al die betrokke staatsdepartemente op nasionale, provinsiale en distriksvlak, wetstoepassingsowerhede en landbouorganisasies om ʼn oplossing te vind vir die voortgesette aanvalle op boere en plaaswerkers.”

Die minister polisie, Bheki Cele, het vroeër ook gesê hy het met “skok en weersin” verneem van die betoging buite die hof wat eindelik tot brandstigting en vandalisme gelei het.

Cele het gesê misdadige gedrag sal nie geduld word nie en het die polisie gevra om diegene verantwoordelik aan te keer.

“Hoewel ons almal die wrede moord van die jong in Paul Roux veroordeel mag niemand die reg in eie hande neem nie – ongeag wat die situasie is. Dié soort wetteloosheid kan nie regverdig of ligtelik opgeneem word nie,” het Cele gesê.

Cele het ook gesê dit is nie duidelik waarom die betogers hul woede op die polisie uitgehaal het nie, nadat inhegtenisnemings gedoen is en die verdagtes betrokke by die moord in die hof verskyn het.

Bertus van der Westhuizen, die voorsitter van TLU SA se Vrystaatstreek, het vroeër gesê die ondersteuners se optrede by die hof weerspieël die gevoel op grondvlak onder boere. Hy het gesê Cele het ʼn onversoenbare houding en sy uitlatings jeens boere dra by tot hulle gevoel. Van der Westhuizen het gesê boere gaan nie “langer teikens wees nie”.

Roy Jankielsohn, DA-leier in die Vrystaat, het gesê die DA verstaan die emosies ná die gewelddadige dood van ʼn jong mens en die frustrasies wat mense met die strafregstelsel het. Hy het gesê die DA gaan egter nie reageer op gewelddadige uitbarstings nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

134 Kommentare

jongste oudste gewildste
Werner

Hoop net ou Julias is ook daar.Dink hy Sal te bang wees.Sien jou daar Julias

Dries

Se die ‘leier’ wat sy vredeliewende grondmagte opdrag gegee het om Clicks winkels te verwoes oor ‘n advertensie, geskep en goedgekeur deur nie-blanke korporatiewe kanale, wat in elk geval gerieflikheidshalwe verkeerd interpreteer is. Ek dink ek moet vir so maand die nuus afskakel, hierdie is die absolute toppunt van GEKHEID!

Magda

ASB HOOP JY IS DAAR OU JULIA!!!!!!! (julius) OF IS JY DALK BANG – – – – — – – – – –

Genis

Kom asb Julius Malhema..ek wil jou graag toe-to-toe ontmoet.. ANC pikeneen…

Suzette

Dink julle ons is bang? Moenie so stupid fout maak nie….
In die artikel word genoem dat mense nie toegelaat kan word om reg in eie hande te neem nie – nou wat maak julle rooi kadotte dan – PRESIES DIT!! So kom – maar wees bereid om julle pak te vat.