Senekal: Pienaar op pad huis toe

André Pienaar buite die hof op Senekal. (Foto: Maroela Media)

André Pienaar, ʼn sakeman van Senekal wat in hegtenis geneem is ná voorverlede week se geweld by die landdroshof op die dorp, is op pad huis toe.

Pienaar het hom tot die hooggeregshof in Bloemfontein gewend nadat sy aanvanklike borgtogaansoek in die landdroshof op Senekal van die hand gewys is.

Ilanie Oberholzer, Pienaar se regsverteenwoordiger, het gesê hy is Maandagoggend vroeg ná ʼn suksesvolle appèl teen die vroeëre beslissing op borgtog van R15 000 vrygelaat.

Pienaar is een van twee mans wat tot dusver in hegtenis geneem is vir die geweld wat op 6 Oktober by die hof uitgebreek het. Honderde mense het op dié dag na die gebou opgeruk waar Sekwetje Mahlamba (32) en Sekola Matlaletsa (44) vir die eerste keer in verband met die moord op Brendin Horner (21) verskyn het.

Gemoedere het hoog geloop toe die skare nie die beskuldigdes te siene kon kry nie. ʼn Polisievangwa is tydens die kabaal omgestoot en het aan die brand geraak. Skade is ook aan die hofgebou aangerig, glo toe oproerige mense die hofgebou probeer ingaan het om by die beskuldigdes uit te kom.

Die tweede verdagte, ʼn 33-jarige sakeman van die Vrystaatse dorp, is Vrydag in verband met die geweld in hegtenis geneem. Hy staan tereg op aanklagte van openbare geweld, brandstigting, opsetlike saakbeskadiging en poging tot moord en sal vandag in die Senekal-landdroshof verskyn.

Mahlamba en Matlaletsa se borgtogaansoek word intussen Dinsdag in Senekal hervat.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

49 Kommentare

jongste oudste gewildste
Phillip

Goeie nuus dankie tog hoop als loop goed vir hom

Persheks Adri

Beste nuus vir die dag Andre! Ons is BAIE bly vir jou! Sien, gebed help en ons staan agter jou al die pad.

Sal wag vir die 2de verdagte se volledige artikel voor ek kommentaar lewer…

Joanita

Baie goeie nuus!

Eltan

Wonder indien die moordenaars borgtog kry hoeveel hulle moet betaal vir borg.. seker R50….intussen moet n wit boer wat geen gevaar ingehou het R15000 opdok..

Misky

Beste nuus ooit!!!!! So bly vir jou Mnr. Pienaar en soveel mense vir jou gebid en dat dit sal goed afloop