Senekal: Solidariteit steun vreedsame protes teen plaasmoorde

(Argieffoto)

Solidariteit sê hy steun AfriForum se vreedsame protes teen plaasmoorde en geweld wat Vrydag in Senekal gehou gaan word.

Die twee verdagtes wat vir die moord op Brendin Horner, ’n 21-jarige Vrystaatse plaasbestuurder, aangekeer is, sal na verwagting dan vir die tweede keer in die landdroshof op die dorp verskyn.

Horner, ’n plaasbestuurder van die Bloukruin Boerdery in Paul Roux, is op 1 Oktober deur vermeende veediewe op ’n plaas in die omgewing oorval. Hy is met ’n mes gesteek en het kop- en gesigbeserings gehad. Sy hande was ook stukkend geslaan soos wat hy hom teen sy aanvallers probeer verset het. Sy liggaam is aan ’n paal vasgemaak en ’n mes is op sy pet op die toneel gekry.

Tydens die verdagtes se eerste hofverskyning verlede Dinsdag het gemoedere hoog geloop toe duisende mense na die hof opgeruk het om hul woede en misnoeë oor die gebrek aan landelike veiligheid te kenne te gee.

Die wyse waarop Horner vermoor is, het skokgolwe deur die land gestuur.

Talle mense beplan om Vrydag weer na die hof op te ruk.

Dr. Dirk Hermann, bestuurshoof van Solidariteit, sê die organisasie steun AfriForum se vreedsame optog wat hy vir Vrydag beplan. Hermann sê Solidariteit steun die boerderygemeenskap en is saam met hulle woedend oor die sinnelose en brutale aanvalle en moorde.

“Ons staan aan die kant van elke man, vrou, kind, plaaswerker en gemeenskap wat deur elke aanval en moord geraak word. Ons staan aan die kant van voedselsekerheid wat elkeen van ons raak,” sê Hermann.

“Ons mag nie toelaat dat plaasmoorde genormaliseer word nie. Ons moet aanhou om nee te sê. Sterk maar gedissiplineerde protes is nodig. Die boodskap en beelde wat Vrydag in die wêreld ingestuur moet word, is ’n boodskap van ’n gemeenskap wat in krag en selfbeheersing saamstaan. Ons mag nie toelaat dat enige radikale randfigure dié gebeure kaap nie.”

Solidariteit doen ’n beroep op die gemeenskap om saam met ander belangegroepe AfriForum se protesoptrede te steun.

Die protesoptrede word in hierdie stadium vir Vrydag om 10:00 beplan. Sodra alle reëlings gefinaliseer is, sal AfriForum meer besonderhede oor die optrede op sy Facebook-blad en ander platforms bekend maak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Stefaan

Kom ons bid dat dit vreedsaam bly.

Persheks Adri

Ons kan ons gedra en ondersteun beslis die optog en boodskap wat moet uit gaan!

#Boere lives matter!

Ons wil weet wat word gedoen omtrent die rooi petters wat so aan hits en ons dreig en groot rassiste is? Hulle het GEEN selfbeheersing nie!

Wakkerslaper

Ek dink die vraag is of die terroriste eff, polisie en weermag vreedsaam gaan wees………

Johan

Maak die Vrystaat weer n Republiek, verban partye politiek en regeer dit saam Lakota. Die EFF-ANC is teroriste. Hulle sal nie ophou voor al die Boere van hul plase af is of weer vermoor is nie. Wees julle maar lekker “vreetsaam” en kyk wat wen julle daardeur…….absoluut niks. As jul iets vreedsaam wil doen begin onderhandel vir die onafhanklikheid van die Vrystaat…en ander.

Hennie

Ons sal moet wag en sien wat gebeur. Ons manne ter plaatse moet tog asseblief net leer uit die geskiedenis sodat daar nie n Piet Retief/dingaan op hulle getrek word nie.