Senzo-twiet veroorsaak opskudding

Gareth Cliff

Gareth Cliff

Die radiopersoonlikheid Gareth Cliff het Twitter steeds behoorlik aan die gons oor ʼn twiet waarin hy gevra het wie vir Senzo Meyiwa se begrafnisdiens betaal het.

Cliff het getwiet:

Who’s paying for this massive funeral for #SenzoMeyiwa?

Sy twiet het baie gebruikers woedend gemaak en hy is onder meer daarvan beskuldig dat hy onsensitief en ʼn rassis is. Ander gebruikers was egter van mening dat Cliff die reg het om dit te vra, aangesien die belastingbetaler waarskynlik daarvoor betaal het.

Cliff se twiet het ook reaksie gelok van Fikile Mbalula, minister van sport, wat getwiet het:

It was an official funeral,official funerals are payed for by the state. Question that if you want y compare Senzo to Messi silly staff.

Mbalula het ook getwiet:

Who payed for Verwoerd funeral?And who payed for PWBotha’s funeral?It is the state did they deserve it we never asked bcos we respect the DD

Volgens Mbalula was Meyiwo se begrafnis ʼn semi-staatsbegrafnis. Hy het gesê enige provinsie kan versoek en motiveer hoekom “hulle helde semi-staatsbegrafnisse moet ontvang”.

Cliff het ʼn inskrywing op sy webtuiste gemaak na aanleiding van die reaksie wat sy twiet uitgelok het. “Senzo Meyiwa is net meer as ʼn week gelede onder tragiese omstandighede dood. Die omstandighede rakende sy dood was nie vir my ʼn kwessie nie: Misdaad diskrimineer nie en ons het ʼn talentvolle ster verloor. Toe ek die televisie Saterdag aangeskakel het, het ek die buitengewone (want dit was nie gewoon nie) begrafnis gesien met polisiebeamptes wat marsjeer, ministers wat toesprake maak, vlae, baniere, kos en ʼn gesing en dans in die stadion.”

Volgens Cliff het hy nie ʼn probleem hiermee nie, maar hy kan onthou dat sulke begrafnisse slegs vir politici beskore was. Volgens hom was dit ʼn goeie vraag om te vra en een wat ons almal moet vra, veral omdat politici “lief daarvoor is om die hoofpawiljoen as ʼn seepkis te gebruik om emosionele mense te manipuleer”.

“Ek gee nie om as ons vir Senzo se begrafnis betaal het nie, maar ek gee om dat ek die slegte ou is omdat ek die vraag gevra het. Ek gee baie om. Ek is elke soort vulgêre ding genoem deur ‘n horde van mense wat die minste welsprekend is, woedendste is, plunderende kranksinniges wat ek nie ken nie en wat ook nie almal vir Senzo kon geken het nie,” het Cliff geskryf.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

15 Kommentare

jongste oudste gewildste
Marlin

Senzo was nie ‘n staatsman nie en verdien nie die opheweling wat daar aan hom gegee is nie. Wat van onskuldige mense wat ook daagliks doodgeskiet word? Net omdat ons nie sport sterre is nie, is ons lewens net so belangrik ongeag van ras of kleur. Gaan hulle vir Joost ook ‘n semi staat begrafnis geen as hy die dag sy kop neerle of enige ander speler? Hy het tenminste groot hoogtes in sport bereik.

VRA NET

Hy het die reg om dit te vra? Baie wil weet! Verwoerd en Botha was staatsmanne en nie sportsterre nie! Wha, word wakker!!!!!

Wil weet

Gareth, daar is baie wat ook daardie vraag gevra het! Botha en Verwoerd was staatmanne, nie sportmanne nie!!. Kan nie onthou of Burry Stander, onder andere, so n begrafnis gehad het nie?

pop

En wat van Corrie Stander???? Die belaglikhede in die land hou nie op nie. Daardie selfde dag wat Senzo vermoor is is 28 waarvan net ek kennis dra ook vermoor. Een lewe is nie verhewe bo n ander nie. So die staat moet nou maar n begroting uitwerk vir begrafnisse sodat elkeen in ons land wat sterf begrawe kan word deur hulle.

mariska

Comparing apples with pears….being in the posision as the minister of sport, one would think that he would make a more eloquent comparison using common sense rather than his power to make a point. My common sense would make me compare Nelson Mandela to Verwoerd and PW Botha. And Hansie Cronje to Senzo Meyiwa!! Common Sense!!! And when comparing apples with apples the minister would be enlightened to find that no one asked any questions with regards to the millions of rands spent on Nelson Mandela’s funural…he would also find that no one paid for Hansie Cronje’s funural, even though… Lees meer »