Ses mense, waaronder vier kinders, is Saterdagmiddag beseer toe ʼn brand in ʼn woonstelblok in Hillbrow, Johannesburg uitgebreek het.
“Twee verdiepings van die gebou het in ligte laaie gestaan toe paramedici en die brandweer by die toneel in Claimstraat opgedaag het,” het Russel Meiring, woordvoerder van die polisie, gesê. “Verskeie inwoners van die woonstelle het onder op die sypaadjie rondgeloop.”
Brandbestryders het dadelik begin om die brand te blus terwyl paramedici die beseerde persone ondersoek het. “Twee volwassenes en vier kinders het geringe tot matige rookinaseming opgedoen,” het Meiring bygevoeg. “Daar is gelukkig nie enige ernstige of noodlottige beserings op die toneel aangemeld nie.”
Paramedici het die pasiënte behandel en hulle na verskeie hospitale geneem.
Brandbestryders kon vinnig die brand blus.
Die oorsaak van die brand is nog nie bekend nie. Owerhede stel ondersoek in.
Dalk ‘n binnebraai gehou.
As mens sien hoe vuil en vrot die plek is verbaas dit niemand nie …Hillbrow is n GROOT gemors !