Ses dood, 8 kritiek ná taxi-ongeluk

Die owerhede op die toneel op die R521. (Foto: Verskaf)

Ses mense is dood en agt ander kritiek beseer nadat die bestuurder van ’n Toyota Quantum-minibustaxi Saterdag beheer oor die taxi op die R521 in die Capricorn-distrik in Limpopo verloor het en die voertuig omgeslaan het.

Mike Maringa, woordvoerder van die departement van vervoer in Limpopo, sê ’n meganiese fout was moontlik die oorsaak van die ongeluk.

Die beseerdes is almal ná die voorval na die Helen Franz-hospitaal in Bochum vervoer vir mediese behandeling.

Mavhungu Lerule-Ramakhanya, LUR vir vervoer en gemeenskapsveiligheid, doen ’n beroep op motoriste om die toestand van hul voertuie na te gaan voordat hulle na hul bestemmings vertrek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

6 Kommentare

jongste oudste gewildste
Persheks Adri

Seker die brieke gewees as mens dadelik aan ‘n taxi dink…

johanf

SA se sterfte gevalle sal nou begin klim, soos elke jaar…..en nie net Taxi’s….. Tragies.
Sterkte aan die manne en vroue op diens, gedurende die seisoen…..

Stefan

‘Meganiese fout’ beteken dit van die binddraad wat die goed bymekaar hou het gesnap, of die hardbord briekblokkies het uitgefoeter?
Hoeveel van die taxi’s is regtig padwaardig?

SomeOne

kan maar net kopskud ……????

Sarel

Tzxis word mos verskoon vsn wetlike vereistes