Ses gered ná vissersboot omslaan

Storm_weer_see_rotse_stiltetyd_pixabay.jpg

Argieffoto: pixabay.com

Ses mense is Sondagmiddag by Duneside-strand in Durban gered toe die vissersboot waarin hulle was omgeslaan het.

Werner Vermaak, woordvoerder van ER24, het gesê die klein boot was op terug na die strand toe dit omgeslaan het.

“Toe paramedici by die toneel opgedaag het, was al ses mense reeds deur lewensredders en omstanders uit die water gered,” het Vermaak gesê.

Vier van hulle het geringe tot matige beserings opgedoen en moes na ʼn nabygeleë hospitaal geneem word. Die ander twee is ongedeerd en het verdere behandeling van die hand gewys.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.