ʼn Personeellid van die Noord-Kaapse departement van gesondheid en vyf veiligheidsbeamptes is Sondag in hegtenis geneem op aanklag van diefstal van staatseiendom.
Sers. Omphile Masegela, woordvoerder van die polisie, het gesê beamptes het inligting ontvang oor skoonmaakmateriaal en ander items wat sonder ʼn bevel van die departement se perseel verwyder is. “Die verdagtes het vermoedelik die gesteelde items onder mekaar uitgedeel en nog items is by een persoon se huis gehou vir verdere verspreiding.”
Tydens ʼn soektog van die huise het beamptes beslag gelê op vermoedelik gesteelde eiendom soos beskermende en skoonmaakmateriaal, ʼn televisiestel en ʼn lugversorger van die departement van gesondheid, alles ter waarde van ongeveer R100 000.
Die ses persone, tussen 30 en 51 jaar oud, sal binnekort in die Upington-landdroshof verskyn.
O, vader, red nou ‘n nasie of land met al hierdie tipe mense. Daar is geen verskoning nie.
At least they brought their own bags.
Lets see the faces. Turning your back is rude.