‘n Skermgreep van die video wat wys hoe die vrou in Bramley, Johannesburg, gekaap word (15 November 2019) (Video: Twitter)
Ses persone is in hegtenis geneem ure ná ʼn vrou Vrydagoggend by ʼn verkeerslig in Bramley, Johannesburg, gekaap en doodgeskiet is.
Maroela Media het vroeër berig die 45-jarige vrou is die oggend omstreeks 05:30 op die hoek van Dublin- en Cunningweg in Bramley deur ʼn onbekende getal mans gekaap. Beeldmateriaal van die voorval is met afgryse bejeën.
Brig. Mathapelo Peters, woordvoerder van die polisie, het gesê die polisie het dadelik die maksimum hulpbronne beskikbaar gestel, kragtens die SAPD se 72 uur-reaksieplan. Die ondersoek het beamptes na ʼn kroeg in 4de Laan in Alexandra gelei.
“Die span beamptes van die SAPD en Johannesburgse metropolisie, het op die kroeg toegeslaan en 17 verdagtes is aangekeer. ʼn Onbekende getal persone het gevlug,” het Peters gesê.
Die polisie kon ses man met die kaping en moord op die vrou verbind. Die 11 ander persone is vrygelaat, omdat hulle nie met enige misdade verbind kon word nie.
“Verdere ondersoek het die ses verdagtes ook met nog drie rooftogte verbind, insluitend ʼn sakerooftog by ʼn U-Save in Alexandra in Oktober 2019 en ʼn sakerooftog by ʼn Chicken Licken in Bramley vroeër vandeesmaand.”
Die polisie is op soek na nog ses verdagtes wat moontlik ook by die sakerooftogte betrokke was.
“Die ses verdagtes sal na verwagting Maandag in die Alexandra-landdroshof verskyn,” het Peters bygevoeg.
Lt.genl. Elias Mawela, provinsiale polisiekommissaris, het die beamptes se vinnige reaksie geloof. Hy het hulle aangemoedig om hard te werk in die stryd teen misdaad in die provinsie.
Welgedaan…. Maar wat nou….?? Borgtog en doen dan weer en weer en weer dieselfde. My innige meegevoel met die oorledene se familie en vriende en volgens al die ander nuuswebtuistes was sy 56 as julle miskien ‘n regstelling wi l maak.
Goed gedoen SAP. ..Nou is tyd vir die galg vir die gemors wat n onskuldige persoon se lewe woes weggeruk uit haar familie se lewens..Geen genade vir hulle maar ons almal weet mos die kaders kyk mos na die kriminele se belange en nie die wet gehoorsame burger nie..My hart bloei vir die dame en haar familie wat daarmee moet saamleef! Ai….
Dankie DS, dat jy soos min(indien enige) ander ‘n regstelling uitdaag. Ek neem dit op met my absolute frustrasie om die woord ‘borgtog’ te lees. Dit is soos die mense wat (kan jy dit glo!) om die herinstelling van die doodstraf in Maroela pleit. Daar is van hierdie clichés wat herhaal, herhaal en herhaal word in die forum asof dit die oplossing sal bied. Ek besef ons is geïrriteerd en natuurlik besef ek ons wil hê maksimum straf moet toegepas word wanneer nodig en natuurlik moet borg nie toegestaan word aan… ag okay DS, nou verstaan jy my irritasie met ons wat net met mekaar praat asof dit ‘n doel sou dien. Skreeu dit uit op openbare platforms.
Goeie werk!!! Asseblief GEEN borgtog? Dit bemoeilik ons polisie se werk, want as hulle uitkom doen hulle dit net WEER
Ek stem saam maar dis tyd dat die doodstraf terug kom. Hulle verdien nie om die son weer te sien opkom nie. Dit kos belasting betalers geld om hulle in die trok te hou.
@Cherokee
Net jy sal weet wat jy regtig sê…….
Dit was n blanke vrou, Isabel van Coller 54 jaar oud !
Wel gedaan SAPS. MOG HULLE HELSE TRONKSTRAF KRY. Innige Simpatie aan vermoorde se familie.
Ek het nou netvgehoor by Arno van Coller, sy ma, die oorlede Isabel van Coller was 56 jaar oud. Jammer.
54.. 56 jaar oud… wat beteken dit? Niks! Isabel is nou waar tyd nie tel nie. Waar tyd geen faktor is nie, want die horlosie se tik-tok is nie daar nie. Slegs vandag.. en môre en oormôre is buitendien ook vandag want môre en oormôre is gister en vandag…
Baie goeie werk
Skuim van die aarde.
Geen borg en Bring die doodstraf terug
Briljant SAPD en JMPD puik!!!!!! Innige simpatie aan familie
Ongelukkig was die vinnige reaksie te laat vir die vrou en haar familie.
Geen borgtog vir die gemors.
…. maar dis betyds vir soveel ander op wie hulle volgende sou toeslaan – DANKiE SAPD!
Ek sê nie gee tonkstraf nie. Ek sê gee net aan hul terug wat so mildelik uitgedeel word.
Wat is die punt om hul tronk toe te stuur? Geen rehablitasie, kry gratis kos, slaap plek en mediese koste vir hulle.
R380 van jou belasting geld word per dag per persoon spandeer om hul in “veilige bewaring” te hou.
Aan ALMAL betrokke – welgedaan! Ons vertrou di Reg sal nou sy loop neem en dat geregtigheid in alle opsigte sal geskied
Dis baie hartseer ‘n lewe beteken vir hulle net niks.
Wegedaan met vinnige in hegtenis neming.
Mense wees asb ook versigtig by Checkers Life style Centre Sunward Park.
Ek was op 14/11/2019 om 16h00 binne die winkel van al my juwele en handsak beroof deur 3 vroue, al is hulle duidelik op camera wie gaan hulle vang !
Binne in tyd van 4 min is kaarte leeg gestroop by fnb en tie daarna by Carnival mall.
Hierdie taakmag wat suksesvol was moet permanente aanstelling kry. Dit kan net hoop bring vir ons.
Dis maklik om te pleit dat die doodstraf her-ingestel moet word. Maar dink mooi wat gaan gebeur hier in SA waar die regstelsel een korrupte gemors is. Hulle gaan ons wittes ophang op strepe vir die simpelste aanklagte waaraan jy kan dink. Daar moet eers n REGVERDIGE regstelsel gevestig word en DAN kan die doodstraf terugkom. My hart gaan uit na die familie van die oorledene. Mag GOD jul vertroos.
DS jy is reg sy was 56 jaar oud.
Net ‘n kort beskrywing die hoof van die drie vroue skelms
In Sunward park het ‘n goue ster in haar voorste tand????
Hoe het dit gebeur @Essie? Waar het hulle jou pin gekry?
Dis verskriklik!
Hierdie was een van 50 moorde n dag waarvan ons weet, tragies.
BRING DIE DOODSTRAF TERUG!!! Almal is aangekeer baie goeie werk!! Maar wat nou?? n Mens is koelbloedig vermoor …vir wat??? Ek is so baie kwaad want ek weet ek kan niks doen nie. Ons hande is afgekap!!
Ons hande nie afgekap, te slap om die gemors aan te vat, wil nie betrokke raak nie!!!
Scalla jy is reg, die ander motoris het gesien wat gebeur en jaag weg.
Ek hoop om as ek ooit in dieselfde posisie is darem een van hulle buite aksie te kan stel laat hy praat of hulle ten minste met my motor verjaag het?
Ek is dalk bietjie roekeloos, het al ‘n stampvol Taxi met sokkerspelers van die pad afgedwing en uitgetrap… vrou alleen.
Ek vind meeste van vandag se “mans” is net so erg teenoor vrouens op die pad en help nie graag nie.
Nee, ek haat nie mans nie, dink net hulle het slapgat en en uiters ongeskik geraak.
Dis soos ‘n nimmmereindigende worsmasjien van kriminaliteit in die “nuwe” SA
Hierdie was n vrou wat net op pad werk toe was om n bestaan te maak. Te werk vir haar geld en belasting te betaal vir n staat wat niks omgee vir sy burgers nie. Beskerm liewers die krimminele want dit is stemme vir hulle Hierdie ANC regering behoort hulle te skaam tot in die afgrond in oor hoe hulle hierdie pragtige land vernietig het. Genade wat n SKANDE.
Nou gaan ek my nek ver uitsteek, maar goeie genade, as mens die video kyk was daar ander mense in motors wat alles gesien het en absoluut net aangehou ry het sonder om enigsins hulp te probeer verleen. Genade mense, hoe onbetrokke het mense op aarde geword, dat hulle nie eers probeer om ‘n ander in nood te help nie. Ek kan net vir geen oomblik dink dat ons so lewens selfsugtig geword het, dat ons waarlik ander pad kan kyk terwyl ‘n medemens voor jou doodgeskiet word en aanhou wegry nie. So hartseer en ontstellend.
Welkom to Suid Afrika; waar ons hou van oor ander kla en mekaar kritiseer, maar self te slapgaai is on enige iets te doen
Met ‘n gewapende bende moet mens liefs nie die held wil speel nie. As hulle die ouerige vrou so maklik kon skiet, sal hulle vir seker net so maklik iemand wat wil help, doodskiet.
Om te wil help, help eintlik glad nie.
Vir eens kan ons net sê goeie werk SAPS en JMPD.. GOEIE WERK. Niks verder negatief nie asb. En oms Innige meegevoel aan die familie. Dis so tragies. Mag hierdie dame se dood nie in vain wees nie. Laat die res van ons leer om meer en meer bewus te wees. As daar ‘n klomp mense so saamdrom by ‘n verkeerslig… RY!!! RIV tannie… Veilig by Jesus.
Wat help dit dat daar betoog en baie geld spandeer word op advertensies om geweld teen vrouens en kinders te bekamp, dan gebeur dit dat 6 mans nie huiwer om ‘n onskuldige vrou so geweldig te vermoor nie. Watter weerstand het enige vrou teen sulke skurke. My innige simpatie aan haar familie. Knap gedaanSAPD.
Ons blanke mense moet soos hulle maak betoog . blok al die snelwee vir n refurendum oor die doodstraf en hou aan en aan tot hulle aandag gee daar aan blok die lughawens alles dit is net n bietjie erg nou
Michael, as die doodstraf weer ingestel was, het hierdie boewe dit dalk in elk geval vrygespring, maar die Coligny boere is ter dood veroordeel. Ja, ek raak ook kwaad en emisoneel soos jy oor al die onreg in ons land! Maar gebruik asb jou verstand en DINK verby die emosie – vertrou jy regtig die regstelsel om die doodstraf objektief (sonder rasbrille) toe te pas? Ek doen nie…
As elke huis in SA wat geliefdes verloor het agv misdaad sy voordeur moes rooi verf, wonder ek hoeveel ongeverfde deure sou oorbly?
Die ANC se nalatenskap is’n bloedige skandvlek.
Sjoe..treffende gedagte!!
Ek het rerig ni meer woorde ni , ek is so jammer vir wat di arme vrou moes deurgaan, daar is woede in my wat ek ni kan beskryf ni maar terselfdetyd hartseer. Rus in vrede liewe Isabel, mag God jou naasbestaandes vertroos en mag geregtigheid geskied
@M Dit is presies soos ek ook voel oor die tragedie.
Doodstraf? Pasop daarvoor. Met die huidige onregverdige regstelsel teen blankes, gaan baie onskuldige mense die doodstraf kry.
Uitstekende werk deur die polisie. Ek hoop die gemors vrot in die tronk vir altyd.
Sodat ons as belastingbetalers vir hul moet sorg in die tronk
Net jammer hulle was nie met hulle eerste oortredings vasgetrek nie, ..maar nouja..dan was hulle dalk in elk geval al uit op Borg..Nietemin DANKIE SAPD…..Hoop hulle kry almal Lewens-lank..wat beteken ons gaan vir hulle n dak oor hulle kop gee, plus kos…met ander voordele….”.Innige Simpatie aan die v Coller familie..Geen kind, man…of familie verdien om hul geliefde so te verloor nie”…!!
Ons land het nie meer wette nie.al wat ons kan doen is bid,bid dat God sal intree.
Baie geluk aan die SAPD. So wil ons julle ken!
Nou skrik SAPS wakker???? Too little, too late! Misdaad het jare gelede al hande uit geruk maar julle is vas aan die slaap!!!!!!
Wat vir my die ergste van die storie is, is nie die moord nie. Voor almal nou weer op en af spring, my pa is ook 3 jaar terug vermoor. Die ergste is vir my dat die persoon uit die motor uitgehaal is, en net so in die pad gegooi is, soos ‘n stuk vullis. Mag di 6 NOOIT ooit weer die buitekant van ‘n tronksel sien nie
SAPS het uitstekende werk gedoen. Nou gaan die “verdagtes” borg kry en binnekort is hul weer op straat. AS hulle ooit wel skuldig bevind word, kry hulle 12 of 15 jaar tronkstraf; sit so 5 jaar en dan weer uit op straat op parool. ‘n Totaal nuttelose oefening.
EEN WOORD DOODSTRAF
Well done SAPS, nou hoop ek van harte dat die lot nie borg sal kry nie, hulle het niks gevoel toe hulle daai vrou dood gemaak het nie.
Mostert na die maal. Die feit is dat sy dood is en as daar gereelde polisie patrollies is om sigbaar te wees en ‘n geen nonsens houding sal die strate veilig wees. Feit is dat niks orals gedoen word en dis hoekom alles tot niet gaan.
Skokkend. Hulle smyt haar uit asof sy `n vullis sak is. Hoe moet haar mense voel as hulle dit op video sien. Ek bid dat die moordenaars die swaartse straf sal kry. Ek bid vir haar geliefdes wat hier deur geraak word. Isabel, jammer oor hulle iemand beroof het van sy vrou, moeder, ouma, vriendin. Jammer vir wat daar aan jou gedoen is. Mag jy in vrede rus.