Sesjarige sterf ná N14-botsing wat ma eis

Karien Staines Foto: Facebook

Karien Staines Foto: Facebook

Die sesjarige meisie wat verlede week kritiek beseer is in die botsing op die N14 waarin haar ma dood is, is ook oorlede.

Kapt. Disebo Selepe, polisiewoordvoerder, het aan Maroela Media bevestig dat Luca Staines Dinsdag aan haar beserings beswyk het.

Santi Steinmann, woordvoerder van Netcare 911, het gesê Luca was verlede week Woensdag saam met haar ouers en sewejarige broer in ʼn botsing betrokke. ʼn Motor het glo teen ʼn swaar goederevragmotor vasgery en daarna teen die Staines se motor en ʼn ander voertuig gebots. Karien Staines is op die toneel dood verklaar, terwyl haar man, Raymond, en twee kinders, Luca en Levi, ernstige beserings opgedoen het.

Volgens Selepe is Jan Brown op die toneel in hegtenis geneem en ʼn klag van strafbare manslag aanhangig gemaak. Brown het Dinsdag in die Pretoria-landdroshof verskyn. Selepe kon nie bevestig of ʼn bykomende klag van strafbare manslag teen Brown ingedien sal word nie.

ʼn Huldeblyk-webwerf is vir Karien geskep waar vriende en familie boodskappe, stories en foto’s van haar kan deel. Sy het haar eie juwele-onderneming besit.

Die ongelukstoneel op die N14 Foto: Twitter

Die ongelukstoneel op die N14 Foto: Twitter

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
Shandre

I hope that justice is served

marise

I hope that the SA law will act against this criminal

jacomien

I hope that justice is served, I agree!

Taryn

Karien was n Ma vir hierdie twee kinders en n vrou vir haar man. Nou het Haar Man nie n vrou nie En haar kind het nie n Ma nie. dit was roekeloosheid. hy het twee pragtige mense dood gemaak hy moet daarvoor boet.

Taryn

Justice must be done.