Argieffoto: SAPD/Facebook
ʼn Geregtelike doodsondersoek word gedoen nadat ʼn sesjarige meisie Maandag by ʼn watergat in ʼn munisipale kampterrein in Cornelia in die Vrystaat verdrink het.
Kapt. Livhuhani Hani, woordvoerder van die polisie, het gesê die meisie het omstreeks 17:30 saam met twee ander kinders na die kampterrein gegaan om water te gaan haal omdat daar nie in hul nedersetting water vir huishoudelike gebruik beskikbaar is nie.
“Die konstruksiewerkers by die kampterrein het ʼn gat gegrawe om water aan die mense te verskaf. ʼn Hond het glo geblaf wat die meisie laat skrik het. Sy het weggehardloop, in die gat geval en verdrink,” het Hani gesê.
Die polisie en nooddienste is ontbied en die meisie is op die toneel dood verklaar. “Die meisie was ʼn gr. R-leerder aan die Ntswanatsatsi Primary School,” het Hani gesê. “Die polisie doen ʼn beroep op ouers in die gemeenskap om seker te maak dat hulle te alle tye weet waar hul kinders is.”
Kinders moet nie alleen by sulke plekke wees nie!!!! n Ongeluk gebeur gou..
Ek sien al hoe meer dat kinders die werk moet doen, en al glo ek dat kinders huishoudelike take moet verrig, sien ek in ons omgewing kinders tydens skoolure werk.
Empatie met die ouers van die kind sou vermoedelik meer ter sake gewees het as om moontlike skuldiges uit te wys.
Like
As ek die ouer is dagvaar ek die regering wat nie aan sy mandaat voldoen om lopende water aan elke huishouding te voorsien nie. Derdewêreldse ongelukke gebeur in Derdewêreldse lande.
Tragoes. Ek voel baie simpatie vir die ouers. Wie is eintlik verantwoordelik dat daar nie n kraan is in die nedersetting nedersetting nie. Hierdie land gaan regtig vinnig agteruit en hulle voel niks vir ander se lewensverlies nie.
Hoe stuur jy ‘n 6- jarige kind om water te gaan haal is dit nie die ouers se plig nie.
Ek stem saam met jou. Behalwe dit, en as die meisie verkrag en doodgemaak word langs die pad? Die ouers is onverantwoordelik. Punt.
Fratsongelukke gebeur, sterkte aan die familie, die hond kan nie blameer word nie, moes die konstruksie werkers nie die gat afgesper/omhein en beveilig het nie? Die gat is deur hulle gemaak.
As dit ‘n pitbull is, is dit die hond se skuld. Ek skrik ook as ek daai mensvreters sien.
Daar is maar net nie salf te smeer aan sekere mense nie…gmfff
Ai hoe laag kan iemand daal om nouweer ‘n onskuldige hond die skuld te gee daarvoor? “die hond het glo geblaf’ .. dit kan ook nie eers bevestig word nie … Dit was maar ‘n baie gevaarlike terrein as ek van die artikel kan aflei. Maar ja, dit is nou maar Pietser met sy kommentaar waarmee hy altyd mense probeer uitlok. Gelukkig sê dit iets van jou, nie van ander nie.
Dis vir my ondenkbaar hoe ongevoelig sommige mense kan wees. Mag God hulle genadig wees werd..
Die geregtelike ondersoek moet bepaal of die konstruksiewerkers nalatig was om ‘n gat te grawe en onbewaak te laat, alternatiewelik of die hond nalatig was deur te blaf. Ek vertrou dat ‘n skoueroptrek en bewering van ” a mistake” gaan nie hierdie dood toesmeer nie.
As hulle weet sy het vir ń hond geskrik, dan het iemand dit gesien. Kon iemand haar dan nie daar uithelp nie? of miskien kon maaitjie self nie swem. en hoekom is die hond op vrye voet?
Vra die ANC hoekom moet mense nog water aandra! Skandelik.
Ek hoop die ouers word ook vervolg, waar stuur in in vandag se tyd `n 6 jarige kind alleen. Jou kind van 6 moet nerens alleeen gaan nie. Dis baie hartseer maar die ouers moet ook weet hoeveel skuld het hulle hieraan.