Seun (5) verskeie kere tydens kaping gesteek

polisie kaping

Argieffoto (Foto: SAPD, Facebook)

Die Gautengse polisie het ʼn volskaalse soektog van stapel gestuur na drie verdagtes wat Sondagaand ʼn vyfjarige seun verskeie kere met ʼn skerp voorwerp gesteek het nadat die motor van die seun se pa in Boksburg aan die Oos-Rand gekaap is.

Lt.kol. Lungelo Dlamini, polisiewoordvoerder, het aan Maroela Media bevestig die kaping van die motor, ʼn Volkswagen Golf, het omstreeks 19:00 in Trichardtweg in Boksburg plaasgevind.

“Daar word vermoed dat die bestuurder van die voertuig, die seun se pa, deur die drie verdagtes oorval is toe hy by ʼn verkeerslig stilgehou het,” het Dlamini gesê. “Die verdagtes het die slagoffers se motor afgesper en vuurwapens op die bestuurder gerig.”

Die vermeende kapers het die man uit sy motor gepluk en weggejaag met sy vyfjarige seun.

Die motor is later verlate naby die Boksburg-gevangenis opgespoor. Die seuntjie is naby die motor in ʼn sloot gevind. Hy is glo verskeie kere met ʼn skerp voorwerp gesteek.

“Die seun is na ’n nabygeleë hospitaal gehaas waar ʼn dokter bevestig het dat die seun steekwonde opgedoen het,” het Dlamini gesê.

Dlamini het gesê die seun sterk in die hospitaal aan en is in ʼn stabiele toestand.

Die polisie het enigiemand met meer inligting oor die voorval versoek om Crime Stop by 0860 010 111 te bel.

Lees die opvolgberig hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

31 Kommentare

jongste oudste gewildste
Pierre Celliers

hulle doen die verskriklikste dinge sonder om ‘n oog te knip!!!

Jo

Barbaars! Daar is nie woorde om hierdie wreedheid te beskryf nie. Dit lyk of hulle so deur en deur sleg is dat niks en niemand vir hulle saak maak nie. Mag die arme kind vinnig herstel.

Anesta

My dogtertjie is 5 jaar oud. Sy sal hulle nie eers kan uitken nie, hoekom dit doen?? Die verpeste barbare!

cecilea

Maroela media kry asb net julle storie reg en hou op duim suig met die gebeure!!flip julle maak mens so kwaat met so n geduim suigery!!!

anita duxbury

Wow Wow gebeur die goed net in suid afrika…..n kind!!wys jou net barbare het geen gevoel..sterkte en bid vir julle..