Seun agter bakkie gesleep

Argieffoto: ER24

ʼn Negejarige seun is ernstig beseer nadat hy glo vir meer as 2 km agter ʼn bakkie gesleep is in Roodepoort.

Russel Meiring, woordvoerder van ER24, het gesê paramedici is Donderdagaand na ʼn vulstasie by die kruising van Main Reef- en Roodeweg ontbied.

Die bakkie het by die vulstasie stilgehou waar paramedici die erg beseerde seun aangetref het.

Volgens Meiring het die seun ernstige beserings aan sy rug en boude opgedoen. Die seun is op die toneel behandel en van pynmedikasie voorsien voor hy na die Leratong-hospitaal vervoer is vir verdere behandeling.

Meiring het gesê die seun en vriende het glo by ʼn verkeerslig agter op die bakkie gespring sonder dat die bestuurder dit agtergekom het.

“Die seun het glo ʼn ent verder van die bakkie probeer afspring toe sy voet in ʼn net wat agter op die bakkie was verstrengel geraak het.”

Die seun is glo sowat 2,5 km ver agter die bakkie aangesleep voor ander motoriste die bestuurder van die bakkie attent gemaak het daarop. Die bestuurder het toe by die vulstasie stilgehou waarna paramedici ontbied is.

Die presiese omstandighede rondom die voorval word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Snowball

Hoekom is ‘n 9 jarige kind saans buite op straat besig met dié tipe nonsens? Waar is sy ouers? Hulle behoort aangekla te word vir kinderverwaarlosing!

Ellisras

Ek hoop nie die ou in die bakkie is wit nie. En die.. Dan is die ou in die bakkie klaar skuldig.

Elize C

As daar ‘n paar kinders betrokke was, hoekom het die ander kinders nie op die kajuit se dak geslaan en geskree om die bestuurder se aandag te trek toe hulle sien wat gebeur nie? Of het hulle dalk en die bestuurder was te bang om te stop omdat hy nie geweet het wat is hulle intensies nie, nadat hulle reeds sommer net goedsmoeds agter op sy bakkie gespring het? Of het almal af gespring en die een het toe verstrengel geraak? Gee asb ‘n opvolg met meer feite, soos die ondersoek vorder.

Jaun

Ja nee want dan is dit mos nou weer RACIST Daai kaart wat al voos gespeel is….

Gesiggie

Ja nee hier het jy nou jou les geleer boet, nerwe af omdat jy wil stout wees… ek hoop ook maar net hierdie ouers van die kind gee hom n pakslae… sodra sy velle op boud genees het, jy kon baie ernstig seer gekry het, dit kon jou dood beteken” Hoop jy het op die harde manier geleer.