Seun oor geld met sambok doodgeslaan

Argieffoto.

Argieffoto.

ʼn Tienerseun se liggaam is Woensdag vasgebind aan ʼn wasgoedlyn aangetref nadat hy glo met ʼn sambok aangerand is.

Sers. Martin Xuma, polisiewoordvoerder, het gesê die voorval het in die Mokwena-nedersetting in Thaba Nchu naby Botshabelo in die Vrystaat plaasgevind.

“Die 14-jarige slagoffer se ouma het Dinsdag glo agtergekom dat sy R500 vermis en het vermoed haar kleinseun het dit gesteel,” het Xuma gesê. “Die ouma het haar 30-jarige seun, die slagoffer se oom, en haar 22-jarige buurman gevra om na hom te gaan soek.”

Die oom en buurman het die seun opgespoor en teruggeneem na die huis waar hulle hom glo aan ʼn wasgoedlyn vasgebind en met ʼn sambok geslaan het. “Hulle het vermoedelik die seun herhaaldelik geslaan en hom oornag aan die wasgoedlyn vasgebind gelos.”

Die oom het Woensdag omstreeks 05:00 na die seun teruggekeer en hom dood aangetref. Hy het sy ma daarvan in kennis gestel en sy het die polisie ontbied.

Die oom en die buurman is in hegtenis geneem op aanklag van moord. Hulle sal na verwagting Donderdag in die Thaba Nchu-landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
A

Hoe wreed!

m

Het die samelewing nou mal geword???? Help die kind eerder reg……

Anoniem

Eenvoudig wreed… Maar al die moorde le voor die voete van ons regering. Hul laat dit toe!!!!!!

Anoniem

Hoeveel kinders gaan nog deur loop onder famielie??? Hoe doen mens dit??? Jy slaan jou eie vlees en bloed dood regtig waarheen gaan ons land en sy mense… Julle kon tenminste net n saak van diefstal gaan le het… Duidelik is die mense van SA besig om gek te word… Wonder of dit tedoen het met die min reen die hitte of die water…. My hart breek elke keer as ek die goed sien of lees… Ons moet ons kinders beskerm nie dood maak nie…

Gerda

Anoniem nee dis die Woord wat in vervulling kom.