Seun vermoor glo ma in hospitaalbed

Argieffoto

Argieffoto

ʼn Man van Oos-Londen is in hegtenis geneem nadat hy glo sy ma in haar hospitaalbed vermoor het.

Kapt. Mluleki Mbi, woordvoerder van die polisie, het gesê ʼn 59-jarige vrou is verlede week in ʼn hospitaal opgeneem vir ʼn chroniese siekte. Die vrou se 27-jarige seun het haar Sondag omstreeks 12:00 in die hospitaal besoek.

“Die verpleegsters het glo kort daarna tydens etenstyd die vrou se lyk in haar bed gekry met steekwonde in haar keel en maag,” het Mbi gesê. “Die man is in een van die toilethokkies van die hospitaal gevind waar hy weggekruip het met ʼn mes in sy besit.”

Die man is in hegtenis geneem en sal binnekort in die Oos-Londen-landdroshof verskyn op aanklag van moord.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

10 Kommentare

jongste oudste gewildste
Vra maar net

Was dit nou genade moord?

Cheryl

Daar bestaan nie so iets soos genade dood nie… Hoe vermoor jy iemand vir wie jy lief is, dis wreed… en moord bly moord.
Mag hy kry wat hom toekom.

Elgeraine

Niks verbaas mens meer nie..

Joann

Eish nou wat het die arme tante gesondig?

Hy gaan kry, maar dit kom hom nie toe nie - n Sel, met 100% medies, kos, was & stryk verniet, ontspanning, berading, vervoer, dwelms etc - alles van DKD :)

Hy gaan kry – maar dit kom hom nie toe nie – 100%bmedies, kos, verblyf, vervoer, ontspanning, berading alles! Gratis van die Dept Korrektiewe Dienste.