Seuns verkrag glo meisie op skoolkamp

Panyaza Lesufi, LUR vir onderwys in Gauteng (Foto: Oupa Mokoena/African News Agency (ANA)

Panyaza Lesufi, die Gautengse LUR vir onderwys, het Dinsdagoggend ʼn skool in Soweto besoek nadat ʼn graad 8-leerder aan dié skool na bewering die afgelope naweek op ʼn skoolkamp deur drie ander leerders verkrag is.

Volgens Steve Mabona, woordvoerder van die Gautengse departement vir onderwys, het die graad 8-groep van die Fons Luminis Secondary School oor die naweek ʼn verwelkomingskamp in De Deur, suid van Johannesburg, bygewoon waarna ʼn meisie na bewering deur drie seuns op dié kamp verkrag is.

Die drie beskuldigdes is vanoggend uit die skool geskors, het Mabona gesê.

Die departement se psigososiale span was by die skool om berading vir alle graad 8-leerders te bied. Die span het ook die slagoffer by haar huis besoek om berading te bied, het Mabona gesê.

Lesufi het hom vanoggend op Twitter oor die voorval uitgespreek. “Ons is gewalg. Ons gedagtes is met die meisie. Ons sal al die nodige ondersteuning en sorg bied. Wat die seuns betref …” lui die twiet.

Die voorval is by die plaaslike polisie aangemeld.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

41 Kommentare

jongste oudste gewildste
KL

As jy so al is op skool, is daar nie hoop vir jou nie, die “seuns” moet sit tot die dag wat hul doodgaan, en mens kan net hoop dat wat die drie gedoen het aan haar, met hul in die tronk sal gebeur.

JG

Skielik onthou ek weer die uitlatings van n sekere vroulike Regter van nie so lank gelede…

JG

Skielik onthou ek weer die uitlatings van n sekere wit vroulike Regter van nie so lank gelede…

Deon

Ja JG ek ook !

Snowball

Waar was die onderwysers wat moes toesig hou tydens die kamp?
Groot fanfare word gemaak en ‘n onderwyser word geskors omdat ‘n paar swart kinders eenkant van wit kinders sit.
Hier is ‘n skooldogter verkrag terwyl sy in onderwysers se toesig was op ‘n skoolkamp. Lesufi moet hulle skors totdat die ondersoek afgehandel is. Iemand het hulle plig versuim om hierdie dogter veilig te hou.