Die verminkte liggaam van ʼn vierjarige seun is Dinsdag in ʼn vlak graf in ʼn bebosde gebied in Kaapstad aangetref.
“Die seuntjie is Dinsdag vir die laaste keer gesien toe hy en sy 21-jarige oom in Khayelitsha gaan stap het,” het kapt. FC van Wyk, polisiewoordvoerder van die Wes-Kaap, Woensdag gesê. “Die oom het alleen teruggekeer en aan inwoners gesê die kind is ontvoer deur iemand met ʼn blou voertuig.”
Inwoners het na die seun begin soek, maar bloed op die man se broek opgemerk. Hy het weggehardloop toe hulle hom daaroor uitgevra het. Die polisie het die man voorgekeer waarna hy hulle na die vlak graf gelei het. Die seuntjie se kop het sowat 50m ver van sy liggaam af gelê.
Die man is in hegtenis geneem en moet binnekort in die hof verskyn op aanklag van moord. – SAPA
Dis afgryslik !
Met wat se nasie het ons tedoene. Is hulle siek of net barbare sy eie mense. N 4jaarige kind wat se kwaad kan hy doen .Ons as gelowige mense moet bid. Die Hemelse Vader sal n uitkoms gee