ʼn 10-jarige seuntjie het Vrydag in Gamalake naby Margate in KwaZulu-Natal verdrink.
“Dit wil voorkom of die seuntjie in die vloedwater beland en toe in ʼn stormwaterafvoerpyp beland het,” het Chris Botha, woordvoerder van Netcare911, gesê. “Paramedici het die seuntjie uit die afvoerpyp gehaal.”
Paramedici het omstreeks 09:00 vir meer as ʼn uur lank tervergeefs probeer om die seuntjie by te bring. Hy is op die toneel dood verklaar.