Erasmia (Foto verskaf deur SAPD)
Sewe persone is Maandagoggend beseer toe ʼn brand by ʼn gebou in Erasmia in Gauteng uitgebreek het.
Russel Meiring, woordvoerder van ER24, het gesê paramedici het omstreeks 11:00 by die toneel opgedaag. Die provinsiale brandweer was reeds besig op die toneel.
“Twee persone het kritieke brandwonde opgedoen en vyf persone het geringe tot matige beserings opgedoen,” het Meiring gesê. Hulle is na verskeie hospitale geneem vir verdere behandeling.
Konst. Tumisang Moloto, woordvoerder van die polisie, het gesê werknemers was besig met instandhoudingswerk toe die dak aan die brand geslaan het. “Daar was personeellede in die gebou toe die brand uitgebreek het,” het Moloto verduidelik.
Die oorsaak van die brand is nog nie bekend nie. Owerhede stel verder ondersoek in.
Foto verskaf deur ER24
Maak net die onderskrif reg by die eerste foto.
Dagsê Peet
Dankie vir jou boodskap. Ons vra om verskoning vir die oorsig, die onderskrif is reeds gewysig.
Groetnis
Tania nms Maroela Media