Foto verskaf deur die Kaapstad-metro se verkeersdienste
Sewe mans is dood nadat die bakkie waarmee hulle gereis het deur ’n trein getref is in Kaapstad in die Wes-Kaap.
Lt.kol. Andre Traut, woordvoerder van die polisie, het gesê die botsing het omstreeks 5:45 Vrydagoggend plaasgevind.
Volgens Traut was al die mans glo in hul 30’s en was hulle glo op pad werk toe. Die bakkie het glo op die treinspoor by die Buttskop-spoorkruising in Blackheath vasgeval voor dit deur die trein getref is.
“Die omstandighede rondom die voorval word ondersoek,” het Traut gesê. Volgens Richard Coleman, woordvoerder vir die Kaapstad-metro se verkeersdienste, is die Buttskop-spoorkruising by Riebeeckweg en Rangeweg gesluit.
‘Train the mind to mind the train’.
Haai nooit. Is Kaapstad in die Wes-Kaap? Wie sou dit kon raai. Maroela lesers is sekerlik bewus daarvan, of hoe?
Was dit nou regtig nodig? Nee, jou sarkasme is heeltemal ongevraagd.
Al 7 het bly sit terwyl hulle ‘n trein sien nader kom???
En as die bakkie vasgeval het op ‘n stadium toe die trein amper op hulle is? Dit was ook donker.
Dis nou donker 5:45 hier in die Kaap jong. En meeste mense kan ook nie afstand en spoed skat nie. Maar ek sou sê hol as jy vasval op ‘n treinspoor
Sterkte vir die familie lede van die oorledenes.
Stoptekens waarsku ons mense on NIE stil te hou nie. Dit sien ons honderde kere per dag. Stoptekens = toegeetekens. Hoe meer botsings hoe gouer kan stoptekens verander word na toegeetekens. Die skuldiges is die bestuutders , nie die treine nie.
Sterkte aan die families…