Sewe in hof oor aanlyn-vlerksleep bedrog

Argieffoto

Argieffoto

ʼn Suid-Afrikaanse vrou en vyf Nigeriërs het Vrydag in ʼn hof in Kaapstad verskyn op aanklag dat hul betrokke was by ʼn aanlynvlerksleep-slenter.

Die beskuldigdes het voor landdros N Booi in die Kaapstadse distrikshof verskyn wat, op versoek van die staatsaanklaer, beslis het dat hulle in aanhouding oorgedra moet word na die landdroshof in Pretoria-Noord.

Nonhlanhla Mda (31) en die Nigeriërs, Nicholas Ebbone Okonji (ouderdom nie aangedui nie), Emmanuel Ogagarho Adiebrefe (36), Franklin Meje Bagogum (32), Emmanuel Oluwagbenga Adu (46) en Imovdu Imomkhe Abraham (ouderdom nie aangedui nie), is Donderdag in hegtenis geneem.

Mda en haar man is by hul huis in Burgundy Estate in hegtenis geneem en vier mans is by ʼn woonstel in Summer Greens in hegtenis geneem.

Die klagstaat het nie aangedui wie van die vyf mans Mda se eggenoot is nie.

Volgens die Suid-Afrikaanse Polisiediens het die inhegtenisnemings gevolg ná ʼn ondersoek oor ʼn aanlynvlerksleep-slenter wat niksvermoedende vroue teiken en beroof.

Maroela Media het vroeër berig die polisie het gesê daar is reeds sewe slagoffers. Hulle is gesamentlik uit bykans R400 000 bedrieg.

Die verdagtes het na bewering vals profiele op aanlynverksleep-webwerwe geskep om vroue te lok. Die verdagtes het met die slagoffers gesels voordat hulle met verskillende scenario’s vorendag gekom het waartydens hulle die vroue versoek het om geld oor te plaas na bankrekeninge wat deur die verdagtes voorsien is.

Mda, wat na bewering die geld ontvang het van die transaksies, het R50 000 kontant by haar gehad toe sy in hegtenis geneem is.

Die verdagtes sal op 15 Julie in die landdroshof in Pretoria-Noord verskyn.

Alle vroue wat slagoffers van aanlynvlerksleepslenters was, word aangemoedig om na vore te kom sodat hulle sake ook ondersoek kan word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

59 Kommentare

jongste oudste gewildste
Gevang

Maak die mense en hul aanlyn profielle bekend sodat dames en mans bewus kan word van die hartelose skurke! Verskaf asb n kontak nomner waar slagoffers hulle kan wend wat hierdie gewete lose mense kan rapporteer. Hierdie isn groot blik wurms wat oopgemaak kan word indien ons die regte rolspelers betrokke kry! Waarheen wend slagoffers hulle as n konstabel by n polisiestasie jou reguit se jy mors hul tyd??

Gevang

Hierdie is n groit blik wurms. Wys die skurke se profiel fotos ons wil sien wie hulle is en wie hulle voorgee hulle is!
Verskaf asb n kontak nommer wat ons kan gebruik om ons sake te rapporteer asb….

Me S Botha

Ek is beroof van n groot bedrag en het ook een of twee fotos wat ek bekom het toe ek besef het wat met my gebeur het, ek het toe self probeer om die persoon vas te trek, een het langs my gestaan toe ek eenkeer geld oorbetaal het, ek het hom later erken onder een van sy baie “profiles” op fb

Liza

Jammer as ek ongevoelig klink, maar hoe dom wil jy wees? Om geld sommer aan ‘n vreemdeling oor te betaal? Of moet ek eerder se hoe desperaat moet jy wees?

Hus

Ek verstaan nie hoe jy nie kan agterkom jy kommunikeer met ‘n Nigeriër nie…