Sewe sterf in botsing

Argieffoto

Argieffoto

Sewe mense is dood in ʼn botsing in KwaZulu-Natal waarin twee motors en ʼn vragmotor betrokke was.

Robert McKenzie, woordvoerder van die provinsiale nooddienste, het gesê een persoon is ernstig beseer terwyl die vragmotorbestuurder ongedeerd van die voorval afgekom het.

Kwanale Ncalane, woordvoerder van die provinsiale departement van vervoer, het gesê die botsing het op die R34 tussen Dundee en Vryheid plaasgevind. “Die bestuurder van een van die voertuie het glo ʼn ander voertuig probeer verbysteek terwyl daar ʼn voertuig van voor af gekom het.”

McKenzie het gesê sewe mense is op die toneel dood verklaar, insluitend twee tieners. Die presiese omstandighede rondom die voorval word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

5 Kommentare

Erica Albertse ·

Ai Ai dit is So Onnodig. Die mense misgis hul afstande en vat onnodig kanse. Ry eerder stadig, beplan jul roete en laat genoeg tyd om veilig by jul bestemming aan te kom. Neem in ag dat geen swaarvoertuig onmiddellik of vinnig tot stilstand kan kom veral as hul swaar vrag sleep nie. Mense wil altyd die vragmotors en Vrag Verskuiwings Tegnikuste die skuld gee. Dit is 9 uit 10 nie hul skuld nie. RIV en Sterkte aan die Geliefdes

goga ·

Mense gee nie om of daar n ander motor van voor af kom of nie jy moet maar van die pad af as jy nie in n botsing wil wees nie. . Vrag motors kan nie so maklik stop soos n motor nie so gee genoeg tyd vir die vrag motor .. RIP . sterkte vir die families

belinda klopper ·

So hartseer innige simpatie aan die families en vriende

Lauretta Ras ·

Die persoon wat verbygegaan het terwyl motor v voor af kom is skuldig aan moord want hy/sy het geweet wat hul doen. Dis altyd n probleem en gewoonlik die onskuldige party wat sterf

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.