Argieffoto
Sewe mense, insluitend drie kinders, is dood nadat ʼn minibustaxi en ʼn bus op die N1 naby Touwsrivier in die Wes-Kaap gebots het.
Robert Daniels, woordvoerder van die provinsiale nooddienste, het gesê die ongeluk het omstreeks middernag plaasgevind. Volgens Daniels is 11 mense in die botsing beseer.
“Nooddienspersoneel het die oorlewendes na die Worcester-hospitaal gehaas. Drie mense is in ʼn ernstige toestand,” het Daniels gesê.
