(Argieffoto: @WCHEMS/Twitter)
Sewe persone is Donderdagoggend in die Noord-Kaap dood tydens ʼn ongeluk tussen ʼn ambulans en ʼn motor.
Simon Zwane, woordvoerder van die Padverkeersbestuurskorporasie (RTMC), het gesê die ongeluk het op die N4 tussen Kuruman en Khathu plaasgevind. “Die insittendes van die motor het glo skape gesteel en hulle het paniekerig geword toe hulle die ambulans gesien het. Die bestuurder van die motor wou toe ʼn onwettige U-draai maak op die pad, en dit is toe dat die ambulans hulle getref het.”
Sewe persone in die motor is op die toneel dood verklaar. Twee persone in die ambulans is beseer.
“Owerhede het sewe skaapkarkasse in die motor gevind.”
Die polisie in Kathu doen ʼn geregtelike doodsondersoek. Die RTMC sal met die polisie saamwerk om alle faktore te ondersoek wat tot die ongeluk gelei het, het Zwane bygevoeg.
Een moter. Sewe mense. Sewe karkasse.
Ja, vra ek ook.
En nou wonder ek of daar ‘n pasient in die ambulans was.
Klaarblyklik het nog karkasse in veld gelê, wat ook in die voertuig was. Na bewering was meer as 20 skape geslag.
Laat mens wonder…
29 skape is geslag. Ons hoor 8 mense in die Corolla voertuig is dood en 7 karkasse was al in gelaai. ……
Ek het n stemboodskap wat die eienaar self vertel want hy is op die toneel…..
Grote Griet! Ek sal graag wil weet watter tipe motor soveel spasie het.
Nou wonder ek met wat het hulle gery. 7 dood saam met 7 karkasse. Maar nou ja, oorlading is niks snaaks in Afrika nie.
Gegewens verkeerd. Wonder wat het van die ander skaap geword. Ons verneem 29 skaap wat dragtige ooie ingesluit het is geslag.
8 mense is dood….. wag vir die volgende berig.
Vyf voor en twee agter met sewe skape op hul skote ?
Nou wonder mens wat geword het van die skaap karkasse?
Dit sal wel vinnig opgeruim word!!!