Sewe verkeersbeamptes vas vir ‘korrupsie’

Argieffoto: corruptionwatch.org.za

ʼn Multidissiplinêre optrede deur die Valke in Noordwes en die Padverkeerbestuurskorporasie het tot die inhegtenisneming van sewe verkeersbeamptes van Lichtenburg gelei.

Kapt. Lloyd Ramovha, Valke-woordvoerder, sê hul inhegtenisneming span die kroon op ʼn maande lange projek waartydens die Valke verkeersbeamptes dopgehou het ná aantygings van korrupte bedrywighede op Lichtenburg en omstreke.

Die beamptes het na bewering omkoopgeld van motoriste geëis om hul verkeersoortredings oor die hoof te sien. Sommige ondersoekers het hulle as burgerlikes voorgedoen, wat hulle in staat gestel het om eerstehandse bewyse van die beweerde onregmatige transaksies in te win.

Drie verdagtes is in hegtenis geneem terwyl hulle aan diens was, terwyl die orige vier by hul huise aangekeer is. Al sewe verdagtes het Dinsdag in die Lichtenburgse landdroshof op aanklagte van korrupsie verskyn.

Wilson Thubaki Nkashe (40), Pusoeng Rosline Letsie (36), Sibe John Lekoma (40), Kebonang Ishmael Khoboni (41), Mxolisi Ronny Mqamqo (35), Olebogeng Daniel Tladi (49) en Tsholofelo Kabelo Molemane-Bogatsu (38) is op R1 000 borgtog elk vrygelaat. Die saak is uitgestel tot 30 November.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
BraaibeMaster

Roei uit die korrupsie!!

tokkie

Hulle is seker op spesiale verlof geplaas met volle salaris

SjN

Snaakse vanne, dit is seker hoekom die borg bedrag so laag is.

Derick

Ja voor onafhanklikheid het manne by die polisie en verkeer aangesluit om dit hulle roeping te maak en om die gemeenskap te dien.
Vandag sluit hulle net aan en sien dit maar net as nog n werk met goeie betaling en byvoordele.
Geen trots meer in die uniform nie.

Piet Pompies

Uitstekend…. enige persoon wat tans en of in die verlede bedrog gepleeg het loer nou oor sy skouer om te sien of hy dopgehou word.