Shaleen Surtie-Richards sterf

Shaleen Surtie-Richards. (Foto: Facebook/Elysian Management)

Elysian Management, Shaleen Surtie-Richards se talentagentskap, het Maandagoggend op Facebook aangekondig dat dié bekende aktrise dood is. Sy was 66.

Die oorsaak van haar dood is nie bekendgemaak nie.

Surtie-Richards was bekend vir haar vertolking in die rol van Nenna in die destydse M-Net-sepie Egoli en Fiela Komoetie in die oorspronklike rolprentweergawe van Fiela se kind.

“Dit is met diepe rou dat ons julle moet meedeel dat Shaleen Surtie-Richards oorlede is. Ons vra dat haar familie en vriende gedurende hierdie tydperk die kans gegun sal word om te rou en die hartseer nuus te verwerk. Ons sal verdere besonderhede verskaf soos wat ons meer inligting bekom,” lui Elysian Management se inskrywing.

Surtie-Richards se werk het verlede jaar deel geword van die Suid-Afrikaanse Legendes-museum. Sy het in haar loopbaan as aktrise meer as 40 gesogte toekennings ingeoes, insluitend die Fleur de Cap-toekenning vir haar rol in die teaterverwerking van Shirley Valentine.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

33 Kommentare

jongste oudste gewildste
Rosie

Rus in vrede. Sterkte aan Familie en vriende

Genis

Baie goeie aktriese gewees… RIV

deHAS

Ai..

Elize

Sjoe. Voorwaar slegte nuus. Sterkte aan al haar naasbestaandes en familie.

voor ek vergeet ...

Dis werklik hartseer nuus. Sterkte aan almal wat naby haar geleef en gewerk het.