ʼn Pa wat van moord aangekla word nadat hy glo sy 31-jarige seun in ʼn kamer in Tzaneen in Limpopo toegesluit en aan die brand gesteek het, moet sielkundige waarneming ondergaan.
Die verdagte, Jan Shingange (65) is verlede Vrydag in hegtenis geneem.
“Die pa en seun het vermoedelik verlede Donderdag begin stry, waarna die pa verdunner in die seun se kamer gegooi het,” het kol. Ronel Otto, ʼn polisiewoordvoerder, gesê. “Die seun was nog in die kamer toe die pa glo die brand gestig het.”
Die seun kon uit die brandende kamer ontsnap en is na die hospitaal geneem met ernstige brandwonde. Hy het egter Sondag in die hospitaal aan sy beserings beswyk.
Die man moet weer op 20 Junie in die Ritavi-landdroshof verskyn.- SAPA
Is daar iewers n grens tussen barbarisme en sielkundige gestremdheid ?
Ek verstaan glad nie meer die wêreld nie. Die mens se optrede raak erger en enigiets kan dit “trigger”. Geweld blyk ‘n oplossing vir absoluut enigiets te wees.
So word die tronke net leeg en die hospitale net vol.