Sien die goeie in SA, vra Ramaphosa

Pres. Cyril Ramaphosa (18 Februarie 2021) (Foto: GCIS)

Mense moet die positiewe in Suid-Afrika en Suid-Afrikaners raaksien eerder as om heeltyd op die negatiewe te fokus, het pres. Cyril Ramaphosa Donderdag in sy repliek op die debat oor die staatsrede gesê.

Hy was in Kaapstad tydens die debat, maar het die eerste Suid-Afrikaanse president in die geskiedenis geword om hom nie te verwerdig om die debat oor sy eie staatsrede by te woon nie.

Hy het ook nie ‘n enkele verwysing na enige van die sprekers in die debat of enige spesifieke insette deur enige sprekers in die debat gemaak nie, sodat dit glad nie ‘n repliek op die debat was nie, maar ‘n tipe tweede toespraak.

Ramaphosa se kernboodskap was dat Suid-Afrikaners “moet terugsit en die koffie inadem”, besef wat goed is aan en in die land, en staat maak op die land se krag om die land se swakhede te oorkom. Hy het gesê vordering in die oorkoming van uitdagings beteken nie bloot onophoudelike vooruitgang nie, maar ook om struikelblokke baas te raak.

Hy het voorts twee aankondigings gemaak in die toespraak, wat ‘n uur geduur het. Eerstens gaan Suid-Afrika ‘n “Platinumvallei” vir navorsing en verwerking van onder meer platinum en waterstof vestig, in klaarblyklike navolging van die Amerikaanse Silicon Valley in die deelstaat Kalifornië.

Tweedens het hy aangekondig dat ‘n taakspan onder leiding van die minister van hoër onderwys en opleiding, dr. Blade Nzimande, aangestel is om ‘n groep Suid-Afrikaanse wetenskaplikes byeen te voeg om entstowwe vir hierdie en toekomstige pandemies hier te lande te ontwikkel.

Ramaphosa het Suid-Afrikaners gemaan om nie grondhervorming en verhoogde landbouproduksie as wedersyds uitsluitend te sien nie. Die een moet volgens hom lei tot die ander.

Voorts het hy lank stilgestaan by die feit dat die eerste inentings in Suid-Afrika teen die koronavirus Woensdag in die Kaapse voorstad Khayelitsha plaasgevind het, waar hyself ook ingeënt is.

Hy het mediese personeel gehuldig, en gesê die Suid-Afrikaanse regering het die land se inwoners gehelp deur die gesondheidsrisiko met inperking te beperk en deur ondernemings met toelaes te ondersteun.

In ‘n teken dat opposisielede se insette tot die debat wel impak gehad het al kon die staatshoof nie so ver kom om dit te beantwoord nie, het Ramaphosa gesê die opposisie was beledigend en dat selfs ‘n dwaas terugskouend wys kan wees.

Hy het Suid-Afrikaners versoek om nie die land se bates te vergeet nie, waarvan die inwoners die grootste bate is.

So byvoorbeeld het Suid-Afrikaners reeds ventilators en beskermende mediese toerusting begin vervaardig, wat tans uitgevoer word.

Ramaphosa het onderneem dat entstowwe behoorlik versprei sal word en dat die wyd voorspelde chaos en wanpraktyke nie sal voorkom nie.

Die staatshoof wil spesifieke aandag gee aan die teleurgestelde jeug. Hy het onderneem dat die fokus op vroeë kinderontwikkeling nie verslap sal word nie.

Voorts het Ramaphosa gesê die klem op Covid-19-entstowwe sal nie minder klem op antiretrovirale middels beteken nie.

Meer staatstenders sal aan vroue toebedeel word, het hy belowe.

Toerisme is volgens hom belangrik en die uitbreiding van e-visums sal hierdie sektor help.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

50 Kommentare

jongste oudste gewildste
Werner

Die dag as die ANC waai en nie meer daar is nie sal daar eers weer iets goeds wees om te sien.Ons is nie almal onnosel nie.En as ons ons self weer kan regeer.

Jack

Mens sal ‘n baie sterk vergrootglas nodig om die goeie in ANC wanregering raak te sien

Estelle

Wat is jou goed Ramaphosa? Die ekonomie is op die rand van ineenstorting (jou sakke is dalk vol geld, maar dis omtrent net die kaders wat geld het, o ja en die ministers). Daar is honderde moorde elke dag, (sommige gruwelik soos sommige van die plaasmoorde) die paaie is vol slaggate, ons water is besmet met riool, Eskom op rand van bankrotskap, ens ens. Vertel vir ons wat maak jou positief Ranaphosa -jou bankbakans?Of jou sekuruteit?

annie

CR moes ‘n skoolhoof geword het. Toe dagga mode word wil ons daggaplantasies plant en plant en nou gaan ons mosterd na die maal entstoflabs oprig wat nie min geld gaan kos nie in blye afwagting op die volgende pandemie(s)… beman deur? Drie raaie? En grondhervorming; nog ‘n rugbyveld vir die skool se eerstespan na sy goeie prestasies oor die afgelope 25 jaar… danksy die flinke onderhandelinge deur julle weet wie. Dit alles voor afwesiges in groot getalle. Wag tot volgende week as die spaarvarkie omgekeer word, vir daai skeelhoofpyn…

Jaco

Waarom is ramaphosa dan so lelik met wit mense? Ek wens eintlik hy wil net klaarmaak met ons wittes wat alles so “ongelyk” maak en ons deporteer na Europa, Amerika, Kanada en Australië. Eerlikwaar, eks bereid om met niks en op ouderdom van 53 heeltemal van vooraf in enige van daardie lande te begin. Hoe Biden, groot vriend van ramaphosa, is nou in beheer van Amerika en hy hou van oop grense, oop immigrasie en hy praat selfs onwettige immigrasie goed. So ramaphosa kan sommer met sy vriend Biden onderhandel om asseblief al ons wit mense te vat. Daarna sal… Lees meer »