Sigarette op weermagvoertuig versteek

Die sigarette is in die wasgoedpoeierbokse versteek. (Foto: SA Weermag)

ʼn Weermaglid is in die Seshego-omgewing in Limpopo aangekeer en ʼn reusebesending sigarette is in die weermagvoertuig wat hy bestuur het, gevind.

Die persoon is Sondag in hegtenis geneem ná ʼn wenk dat die voertuig gebruik word om sigarette tydens die afsonderingstydperk te smokkel, het kol. Ronald Maseko, weermagwoordvoerder, gesê.

Die verkoop van sigarette word ingevolge die vlak 4- én vlak 3-afsonderingsregulasies verbied.  Suid-Afrika het Maandag na vlak 3 oorgeskakel.

Lede van die militêre polisie het die wenk opgevolg en die verdagte opgespoor en in hegtenis geneem vir die besit van vermoedelik onwettige sigarette.

Maseko het gesê die verdagte moet nog in die hof verskyn.

Talle wetstoepassers is die afgelope paar weke by die beweerde smokkel van drank en sigarette betrek en duisende mense is vir oortredings van die afsonderingsregulasies in hegtenis geneem of beboet.  Die verbod op die verkoop van alkohol is intussen opgehef.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
eksalnievergeetnie

My pa het altyd gesê: “show me a cop and I’ll show you a crook.” Geld seker deesdae vir Weermaglede ook…

koos10

NDZ Courier Service.

AndréS

En dan verwag hulle dat ons hulle moet respekteer

Pieter

En dit als net om dat kop doek dink die land behoort aan haar. My tuinier het meer verstand as sy.

JohanR

‘n Weermag sonder enige trots. Die Kubane in Angola sou geen probleem met die huidige lot gehad het nie. Sou in alle geval seker eers moes van hulle unie permissie gekry het voordat hulle “border” toe is! Ook onthou dat die weermag soos hy nou bestaan, het uit ou Umkhonto we Sizwe (MK) uitgeloop, en hulle het nooit ‘n oorlog gewen nie, maar van baie af weg gehaardloop!