Sigaretverbod: Verdere uitstel ‘onverklaarbaar’

(Argieffoto)

Wanneer British American Tobacco South Africa (Batsa) se hofaansoek eindelik in Augustus in die hooggeregshof in Kaapstad aangehoor word, sal dit reeds ses weke wees nadat die dringende hofsaansoek aanvanklik ingedien is – en meer as R1,4 miljard in inkomste vir die staat sou teen dié tyd verlore gegaan het.

Die saak sou Dinsdag aangehoor word nadat Batsa se regspan en die staatsprokureur, namens die minister van tradisionele sake en samewerkende regering, Nkosazana Dlamini-Zuma, op dié datum ooreengekom het. Die saak moet nou na die volgende hoftermyn oorstaan.

Johnny Moloto, woordvoerder van Batsa, het gesê Dlamini-Zuma en pres. Cyril Ramaphosa het in hul beantwoordende hofstukke toegegee die saak is dringend en tog het hulle nou skielik van mening verander en wil hulle hê die saak moet eers in Augustus aangehoor word.

Volgens Moloto is die uitstel ʼn vertraging van geregtigheid wat die onwettige handel in sigarette net ʼn verdere hupstoot gaan gee.

“Die vertraging van geregtigheid om ʼn oplossing vir die kwessie te vind is onverklaarbaar. Teen die tyd dat die saak aangehoor word, sal die verbod al vier en ʼn half maande geld en miljarde rande se onwettige sigarette sou al verkoop wees.”

Batsa en die staat het die afgelope week hulle laaste beëdigde verklarings in die saak ingedien.

Volgens Moloto gaan die verdere ses weke lange vertraging die staat nagenoeg R1,4 miljard in verlore inkomste kos en duisende werksgeleenthede kan in die slag bly.

“Ons oorweeg alle regsopsies en gaan direk met die regering praat omdat albei partye vantevore ooreengekom het dat die saak dringend is en Dinsdag aangehoor moet word,” het hy gesê.

“Om ʼn saak uit te stel wat albei partye ooreengekom het dringend is, is volgens ons ongekend en uiters kommerwekkend.”

Uitspraak in die Fair Trade Independent Tobacco Association (Fita SA) se soortgelyke hofaansoek is meer as twee weke gelede al voorbehou.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
Marius

Die regring weet hulle is verkeerd en nou speel hulle vir tyd . Die uitstel taktiek , met die hoop dit gaan verdwyn .

Kokkie

Daar is nie pille of enige ander medikasie wat vir daardie siekte help nie.

Helen

Kom ons probeer om nie TE verbaas te wees nie.

Sanet

Ek dink BAT moet net begin aflewer en taboe met die res

Hendrik

Al die voorraad smokkel sigarette wat in ANC besit is moet eers verkoop word en nou vat dit te lank na hul smaak. Mense hou op smokkel sigarette koop jul sterk hul net in hul kriminele saak