Soorte resepte:

Simba gee skyfiegeur die trekpas

Drie van Simba se gunsteling-geure het teen mekaar meegeding. (Foto: Verskaf)

Simba het pas aangekondig dat die vervaardiging van sy skyfies met die All Gold-tamatiesousgeur binnekort gestaak gaan word.

Dit kom ná die “Choose me or lose me”-veldtog wat in April vanjaar van stapel gestuur is. Simba het destyds tydens ʼn mediakonferensie laat hoor verbruikers gaan moet kies tussen drie van hul gewildste geure: sout-en-asyn, kaas-en-uie en tamatiesous. Die geur wat die minste aftrek kry, sou waai.

Simba-verbruikers het drie maande gehad om te stem met die hutsmerk SaveYourFlava. Kaas-en-uie het in die eerste plek geëindig, met sout-en-asyn in die tweede plek.

“Die voorloper-geur het ʼn paar keer verander,” het Giulia Iorio-Ndlovu, seniorbemarkingsdirekteur van souterige versnaperinge by PepsiCo, gesê.

“Sout-en-asyn het voorgeloop vir ʼn rukkie, maar kaas-en-uie het oorgeneem. Dit was baie naby en enigiets kon gebeur.”

Die finale puntetelling was soos volg: In die eerste plek was kaas-en-uie met 539 298 (44,99%) stemme; in die tweede plek was sout-en-asyn met 195 460 (37,00%) stemme en in die derde plek was tamatiesous met 110 623 (18,01%) stemme.

“Suid-Afrikaners voel nostalgies oor Simba-geure omdat dit geslagte lank al deel van hul kultuur is. Die moontlikheid om iets te verloor wat so deel van ons kultuur is, sal sonder twyfel reaksie lok.”

Die tamatiesousgeurskyfies sal nie onmiddellik van die rakke verdwyn nie en sal nog vir ʼn paar maande beskikbaar wees.

Bron: Business Insider South Africa

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

39 Kommentare

jongste oudste gewildste
VaalDonkie

Nou moet julle die tamatiesous geur koop en opgaar sodat julle dit oor ‘n paar jaar vir ‘n vieslike wins kan verkoop.

Aai

Die beste geur is uit.

isabelle

tamatie was my gunsteling -maar is asof hul al hoe minder tamatie geur opgesit het ….skyfies het maar bleek geword

Misky

Simba is in elkgeval nie meer wat dit was nie. Pleks die snaakse Boerewors of Chakalaka geure wat soms op rakke is val weg

piet

Regte besluit tussen die drie. Kan nie eers glo dat sout en asyn een van die drie was nie. Een van die oorspronklike geure en een van my gunstelinge. Tamatiesous werk egter goed vir Fritos.