Sirkusbase in hof oor olifante

'n Skermskoot uit die video wat op Carte Blanche uitgesaai is.

‘n Skermskoot uit die video wat op Carte Blanche uitgesaai is.

Twee direkteurs en ʼn werknemer van die bekende Brian Boswell-sirkus het in die Port Elizabeth-landdroshof verskyn op aanklagte wat verband hou met die oortreding van die Dierebeskermingswet.

Jane Boswell, haar dogter Georgina en David Marais, ʼn olifanthanteerder, staan tereg op verskeie aanklagte nadat hulle glo tussen Desember 2012 en Januarie 2013 olifante geslaan en vasgeketting het en nie vir hulle genoeg skaduwee of water voorsien het nie.

Die Nasionale Dierebeskermingsvereniging het in 2013 strafregtelike klagte teen die sirkus aanhangig gemaak vir die beweerde mishandeling van olifante by die Walmer West Primary School in Port Elizabeth.

Die skool het later toestemming om sy terrein te gebruik onttrek. Videobeeldmateriaal wat in 2013 op Carte Blanche uitgesaai is, het gewys hoe olifante vasgeketting word, vir ure aan die hitte blootgestel word en met stokke geslaan word.

ʼn Bron na aan die ondersoek het gesê vier van die olifanthanteerders wat in die video gesien kan word, is glo afgedank en het intussen verdwyn. Die drie beskuldigdes is intussen op waarskuwing vrygelaat en moet weer op 17 Februarie in die hof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Boesman

Hoekom HET ons nog sirkusse in Suid Afrika? Krisis.

alida

Diere hoort nie in ‘n sirkus nie. Hulle wil in hul eie gebied wees sonder mense !!!

Deloris

Sirkus is vir “clowns” nie vir die diere nie, dis so onregverdig!!!! Dis diere nie mense nie. Sirkusse kan voortgaan maar sonder diere hulle hoort in die buitelewe nie in sirkusse nie !!!! Dis mishandeling in my oe!!!!!! Ek hoop hulle gaan goed gestraf word !!!!

BoereBikerBaby

As mense wil sirkus toe wil gaan, gaan parlement toe!

Ek haat sirkusse want ek kan dit nie hanteer om te sien hoe die wilde diere aangehou word in hokke nie. Dis onmenslik. As jy diere wil sien, gaan wildtuin toe… Wens mense wil ophou die sirkusse ondersteun.

wanda

Graag wil ek weet by wie ek n klagte kan le, ons woon in groot marico, hier word leeus, tiere, wolwe ens. Ook in haglike omstandighede aan gehou, dit breek my hart om diere so te sien ly!