Genl. Khehla Sitole, nasionale polisiekommissaris, luister aandagtig na die polisieminister Bheki Cele. (Foto: Phando Jikelo/ANA)
Genl. Khehla Sitole, die nasionale kommissaris van polisie, het gesê hy het met skok en onthutsing verneem van die uitlatings deur Bheki Cele, minister van polisie, oor ʼn beweerde komplot.
Cele het Maandag tydens die debat oor pres. Cyril Ramaphosa se staatsrede beweer Julius Malema, leier van die EFF, en Sitole het saamgesweer om hom van sy amp te onthef.
Die minister beweer Malema en Sitole het op 10 Desember byeengekom, waar die “plan en die sameswering” om hom “te jaag” bedink is.
Sitole het die ontmoeting met Malema bevestig en voer aan die vergadering is deur die polisie geïnisieer en spesifiek in opdrag van Cassel Mathale, adjunkminister van polisie.
“Die adjunkminister het genl. Sitole versoek om met Malema te vergader om potensiële dreigemente teen hom [Malema] te bespreek,” het brig. Vishnu Naidoo, nasionale polisiewoordvoerder, gesê.
Volgens Naidoo het Malema in 2020 met die nasionale kommissaris en lt.genl. Sam Shitlabane, die polisie se hoof van beskerming- en veiligheidsdienste, by die Tshwane-polisieakademie vergader.
“Die vergadering het uitsluitlik gehandel oor die beweerde dreigemente teen Malema en niks anders nie en is daar terugvoering aan die adjunkminister verskaf.”
Volgens Sitole was hy onder die indruk dat Cele bewus van wat tydens die vergadering bespreek is aangesien dit deur sy adjunk gefasiliteer is.
Cele het ook beweer dat Sitole nie vanjaar se staatsrede bygewoon het nie. Volgens Naidoo was die nasionale polisiehoof by die staatstede teenwoordig en kan die rekords van die parlement dit bevestig.
“Die nasionale kommissaris is verstom oor die feit dat sy naam en beeld om politieke redes aangetas word,” het Naidoo gesê.
Al die Suid-Afrikaners word permanent bedreig in Suid-Afrika. Kan ons ook sulke voorkeur behandeling geniet? Ons betaal immers jul salarisse en verwag dat julle ALMAL in die land so behandel en nie net sekeres nie.
Stole moet vinnig gaan en sele moet kort op sy hakke wees.
Ek kan ook verbaas speel … dis nie ‘n kuns nie.
“And so the plot thickens”. Egte onderduimse gekonkel. Kan diesulkes in leiers posisies vertrou word ?
Dis ‘n “dog eat dog world” tussen die kaders…
Nou waarom is die polisiehoof bekommerd oor “dreigemente TEEN Malema” maar glad nie bekommerd oor dreigemente DEUR Malema nie?
Hierdie land het ‘n grap en bespotting geword; hoe lank gaan dit nog voortduur?
Kan nie verstaan hoe Malema enigsins dink dat hy enige gesag het om besluite te maak oor kabinetsveranderinge nie. Hy is nie die president nie, en hy behoort ook nie aan die regerende party nie.
Ek het geen liefde vir Cele nie (ek is self ‘n vuurwapeneienaar) maar Sithole is nie veel beter nie en Malema is het geen mag of gesag in hierdie opsig nie.
CR raak asb dadelik ontslae van beide die kaders! U gebrek aan optrede en sog langtermyn plan is besig om land te vernietig!Doen tog nt vervl;aks iets! U leierskap of gebrek daaraan irriteer die wit waks uit ons as burgery!!
En hier is dit dieselfde patroon – “die blame game” dit is nie ek nie dit is hy.
Hoe pateties is dit darem nie , en die belasting betalers ly die meeste onder dit. Siestog.
Regtig n eenvoudige klomp gemors
So steek hulle mekaar maar toe.
Waarvoor ‘n private ontmoeting oor Malema se veiligheid? Is die grootbek mannetjie dalk bang?
Siestog, nou het arme Cele nog paranoia ook.
En so begin die sepie maak mekaar vrek julle skelm gemors
Hy moet nie geskok wees nie. Hy moet skrik, wakker skrik.
Met die Intelligensiedienste en polisie intelligensie in besonder, totaal wanfunksioneel wonder ek wie het by Sithole geklik oor wat hoed gese het?
Hoedman, met watter eierdans is jy nou besig?
Weet nie waaroor hardloop rooikappie na die Polisiekommissaris toe oor sy veiligheid nie! Hy het mos duisende jonges wat hom sal beskerm en HYSELF met sy groot bek is die een wat daarvoor soek! Sy volgelinge is net so slapgat soos hy, hulle het grootbekke en tog SO braaf totdat die eerste skoot klap, dan is almal missing!
Fooi tog, en hy dink hy word geglo!
Almal genoem moet sommer waai. Nie daar vir die mense nie.
Sewe miljuisend narre kan nie so snaaks wees nie . Dis die waarheid .
Goeie aksie foto, Ek het niks gehoor of gesien nie.