Skamel geklede man dood gevind

(Foto: SA Polisie)

Die Heidelbergse polisie ondersoek ʼn saak van moord nadat ʼn man dood aangetref is in 7de Straat, Spaarwater-kleinhoewes. Hy het net ‘n hemp en sy onderbroek aangehad.

Die man is vroeg Dinsdagoggend halfkaal deur ʼn verbyganger opgemerk, wat toe dadelik die polisie gebel het.

“Toe die polisie op die toneel aankom, het hulle ʼn onbekende middeljarige man dood aangetref,” sê kol. Amanda Dorothy Viljoen, polisiewoordvoerder in Heidelberg. “Die man se hande én voete was vasgebind met nylontou. Hy is ook erg in die gesig aangerand en het gebloei.”

Viljoen sê die Gautengse nooddienste is ontbied en die man is op die toneel dood verklaar.

Enigiemand met inligting van ʼn man wat vermis is of dalk nie die afgelope tyd huis toe gekom het nie, word versoek om die polisie so gou moontlik in kennis te stel. Die man is van medium lengte en het ʼn rooi-en-wit onderbroek en groen gholf-hemp aangehad toe hy gevind is.

Mense met inligting kan die Heidelberg-polisie bel by 016 341 0343/0361 of sers. Archie Mthembi by 016 341 0400.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

19 Kommentare

jongste oudste gewildste
Karlahari

Van medium lengte en groen hemp.
Hoe meer vaag kan n beskrywing wees?
Blank swart indier?
1.78m
Kleur van hare? Bles

Ek gee op.

Realis

Dit sal geweldig help as die man se ras, haarkleur, oogkleur en liggaamsmerke by genoem kan word.

Herman

In SA is dit mos n sonde om die RAS van n persoon wat vermoor is te noem. Hoe moet enige iemand weet of dit dalk n familie lid is

Z

Aai jaai jaai…
Suid-Afrika…
Ek slaan maar net my hande saam.

Max

Wel Brakpan is nie te ver van Heidelberg nie. En hier is n middeljarige ou missing. Was vandag in die Brakpan Herald. Dis nou te sê as dit n swart ou was.